ژینیار | Jînyar on Clubhouse
Description
ژینیار، هەڵمەتی ڕووبەڕووبوونەوەی کوردستانە لەگەڵ نەیارشەیدایی.
نەیارشەیدایی یەکێک لە قەیرانە کۆمەڵایەتییەکانی کۆمەڵگای کوردستانە کە کەسێتی بەکۆمەڵی نەتەوەی کوردی تووشی سیندرومی ستۆکهۆڵم کردووە کە لەگەڵ ئەوەدا کە خۆی بە ناسنامەی دوژمنان و نەیاران و داگیرکەرە دڕندەکانی خۆ پێناسە دەکاتەوە، بەڵکو لەگەڵی دەچێتە پەیوەندییەکی سۆزدارانەوە.
ئەمە وادەکات مرۆڤی کورد مەیل بە ئازادی و سەربەستی تاکەکەسی لەلایەک و مەیل بە سەربەخۆیی و سەروەریی نەتەوەیی لەدەست بدات و لە بەرامبەر بە دوژمنی خۆی بە ئاسانی خۆ بە دەستەوە بدات.
نەیارشەیدایی لەلایەن دەزگای دەوڵەتیی زەبەلاحی دوژمنانەوە ئەندازیاری دەکرێت و دەوەشێندرێتە ناو زەین و ئاوەزی مرۆڤی کوردەوە، و تاکو بەشی هەرە مەزنی کۆمەڵگای کوردستان لە بواری هەست و سۆزەوە تووشی شەڕماندوویی بکات و لە ئاکامدا گرفتاری قەیرانی داماوی خۆفێرکردە و نائومێدی و لەخۆبێزاری بێ و تەواو لەگەڵ خۆی بێگانە بێتەوە.
دوژمن لە ڕێگای جوان و مۆدێرن و بەکەلاس کردنی خۆی و لە بەرامبەردا لادێیکردن و گەمژە نیشاندانی کورد و ناشیرین نیشاندانی کۆمەڵگای کوردستان کەسێتی تاک و کەسێتی بەکۆمەڵی نەتەوەی کورد خەوشەدار و ستیگماتیزە بکات کە لە خۆی بێزار بێت و لە ناسنامەی خۆی ڕابکات و ڕوو بکاتە ناسنامەی ساختەی داگیرکەران.
بە نەنگ کردنی کوردبوون و هەرچی کوردییە و لە بەرامبەردا حەزی بە فریادڕەس نیشاندان بە ڕزگاری لەم نەنگە مرۆڤی کورد ئەوینداری خۆی و فەرهەنگ و ناسنامەی خۆی دەکا و وا دەکات کە بە زمان و فەرهەنگی ئەوان خۆی و نەوەکانی دوای خۆی بە کۆمەڵایەتی یان سۆشیاڵیزە بکات.
لەم ڕێگایەوە دوژمن کورد ئامادە دەکات تاکو بەدەستی خۆی گواستنەی زمانی (Language Transfer) و گواستنەی فەرهەنگ و کلتور و ناسنامەی نەتەوەیی خۆی بکات. واتا مرۆڤی کورد مەیل نیشان دەدات زمانی بگۆڕێت بۆ زمانی دوژمن و ئەویدی خۆی و هەروەها فەرهەنگ و ناسنامەی خۆیشی هەر بگۆڕێت بۆ هی ئەوان.
دیاردەی نەیارشەیدایی تەنانەت ئەو دیاردەیە بووە کە دوژمنان و نەیارانی کوردستان بۆ خۆفرۆشپەروەری کەڵکیان لێ وەرگرتووە و بەشێکی بەرچاو لە کۆمەڵگای خۆمانی بە گژ تێکۆشەران و شۆڕشگێڕاندا کردۆتەوە کە جاشییەتی وەک دیاردە یەکێک لە ئاکامەکانی بووە.
نەیارشەیدایی وەک نەخۆشییەکی دەروونی وەک کەمەندێک ملی مرۆڤی کورد و کۆمەڵگای کوردستان و پەیکەرەی نەتەوەیی دەگوشێت و خەریکە دەیخنکێنێت، و ئێستا دەبێ بدرێتە بەر هەڵمەت و شاڵاوی نەتەوەیی و هەم لەناو بزوتنەوەی سیاسی کورد و هەم لە ئاستی کۆمەڵگا بنبڕ بکرێت.
لەم کڵابەدا هەم لەسەر هەڵمەتی ڕاماڵینی نەیارشەیدایی کار دەکرێت و هەم هاریکاری کەسانێک دەکرێت کە دەیانەوێت نەیارشەیدایی لە خۆیان داتەکێنن.
ئەم هەڵمەتە درێژەدار دەبێت و کار دەکات لەسەر ڕاماڵینی نەیارشەیدایی و گەڕاندنەوەی شکۆ و سەربەرزی و سەروەری بۆ مرۆڤی کورد.
Last 30 Records
| Day | Members | Gain | % Gain |
|---|---|---|---|
| May 31, 2024 | 449 | +1 | +0.3% |
| March 07, 2024 | 448 | +7 | +1.6% |
| January 17, 2024 | 441 | +6 | +1.4% |
| December 03, 2023 | 435 | +6 | +1.4% |
| October 28, 2023 | 429 | +6 | +1.5% |
| September 28, 2023 | 423 | +7 | +1.7% |
| August 29, 2023 | 416 | 0 | 0.0% |
