Casgo Albin on Clubhouse

Bio

🎻Think before you speak."
Listen before you think.🎧

📍Psycholinguistic.🙋‍♂️

Author of the book : Your cup of Happiness 📚

എഴുത്ത് താഴെ 👇

● Writer / Violinist/music/ /freelance content writer.


✍️ഉയരങ്ങളിൽ...

അയാൾ അങ്ങനെ വളരെ ഉയരങ്ങളിലെത്തി. നാട്ടിൽ തനിക്കുണ്ടായിരുന്ന വസ്തുക്കളൊക്കെ മുന്നിൽ തെളിഞ്ഞു നിന്നു.

വീടെന്ന സ്വപ്നം കണ്ടുറങ്ങിയോൻ മരണമെന്ന സത്യത്തിലേക്ക് ഉണർന്നു.
സ്വപ്നമേത് സത്യമേത്.

മന്ത്രിയുടെ ഓരോ വാർത്തയിലും പ്രതീക്ഷകൾക്കൊണ്ടു വീട്ടിലെ ബിപിഎൽ കഞ്ഞിക്കലം നിറഞ്ഞു.

കീശയിലെ കാറ്റ് പെട്രോളായി മാറിയിരുന്നെങ്കിൽ എന്നയാൾ ആശിച്ചു, പക്ഷെ കാറ്റു പോകുന്നതുവരെ കീശയിൽ കാറ്റു മാത്രമായിരുന്നു.

അകലം പാലിക്കൽ
അകലേക്ക്‌ മാഞ്ഞുപോകുന്നതുവരെ തുടർന്നു.

അയാളുടെ ശരീരം പോസ്റ്റ്‌ മാർട്ടം ചെയ്ത പുഴുക്കൾ അവരുടെ ചരിത്രത്തിലെ പുതിയതരം മരണം കുറിച്ചിട്ടു.

ആദ്യം കടിക്കാൻ മടിച്ചു പുഴുവും, മനുഷ്യ മൃഗങ്ങൾ തിന്നതിന്റെ ബാക്കി വേണ്ടത്രേ.

ദൈവ വിശ്വാസി അല്ലാത്തതിനാൽ നരകത്തിന്റെയോ സ്വർഗ്ഗത്തിന്റെയോ പ്രതിനിധികൾ അയാളെ വരവേൽക്കാൻ ഇല്ലായിരുന്നു .

എന്നാൽ ആത്മാവ് പ്രേതമായോ ഭൂതമായോ മാറിയില്ല, ഒരു കവിതയായി ഏതോ പുസ്തകത്തിന്റെ ഇരുളിൽ മോചനം കാത്തു കിടന്നു. 🥰

✍️കൂലി..

ഇന്നു മനസിനത്ര സുഖം പോര,
തിരി കത്തിച്ച് ഇന്നും മുകളിലെ ഇൻഷുറൻസ് പുതുക്കി.

പുക നിവേദനവുമായി മുകളിലേക്കു പോയതിനു ചന്ദനക്കരി സാക്ഷി.

പ്രാർത്ഥന കേട്ട് ദൈവം കരഞ്ഞതോ ..
താഴേക്ക് വന്നത് വെള്ളം മാത്രം, നീണ്ട മഴ.
ഓൺലൈനിൽ വാങ്ങിയ അനുഗ്രഹം ഫലം പോര, ചില പ്രാർത്ഥനകളൊക്കെ olx ൽ കയറ്റാൻ സമയമായി
ദൈവത്തിനു കൊടുക്കണം കൂലി
ദൈവ പുത്രരും ചോദിക്കും
കാലനുമാത്രം വേണ്ടൊരു കൈക്കൂലിയും..

.........നന്ദി