ನನ್ನೊಳಗಿನ ಜಿಜ್ಞಾಸೆ!!🙏 🚩🇮🇳 on Clubhouse

Description

ಜಿಜ್ಞಾಸೆ ಅನ್ನುವದೇ ಹಾಗೆ ಹೊಸತನ್ನು ತಿಳಿಯುವ ಪ್ರಕ್ರಿಯೆ!!ಸರಿ ತಪ್ಪುಗಳ ಲೆಕ್ಕಾಚಾರವಲ್ಲ ಆದರೆ ಇನ್ನೊಬ್ಬರಿಗೆ ನೋವಾಗದಂತೆ ಇನ್ನೊಬ್ಬರಿಗೆ ಅಪಮಾನವಾಗದಂತೆ, ಯಾವುದನ್ನೂ ಇನ್ನೋಬ್ಬರಮೇಲೆ ಹೇರದಂತೆ,ವ್ಯಕ್ತಿ ನಿಂದನೆಯೋ ಅಥವಾ ಇನ್ನಾವುದೇ ರೀತಿಯ ಅಸಂಬದ್ಧ ವಾದಗಳನ್ನ ಮಾಡದೆ ಜ್ಞಾನವನ್ನು ಅಥವಾ ಸಂಗತಿಗಳನ್ನು ಅರಿಯುವ ಮತ್ತು ಹೊಂದುವ ಪ್ರಕ್ರಿಯೆಗೆ ಜಿಜ್ಞಾಸೆ ಅನ್ನಬಹುದೆನು? ಹಾಗಿದ್ದಲ್ಲಿ ಈ ಪುಣ್ಯ ಭೂಮಿಯ ಸನಾತನ ಧರ್ಮದ ಆಳದ ಕುರಿತು ತಿಳಿಯುವ ಹಂಬಲ. ನಮಗೆ ಹೇಳದ ಇತಿಹಾಸದ ಕುರಿತು ಅರಿಯುವ ಮನಸ್ಸು. ಈ ಜೀವದ ತಿಕ್ಕಾಟಗಳ ನಡುವೆ ನಮ್ಮ ದೇಹ ಹಾಗು ಮನಸ್ಸುಗಳಿಗಾಗುವ ಆಘಾತಗಳು ನೋವುಗಳು ಎಷ್ಟೋ..!
ಈ ಬದುಕಿಗೊಂದು ಅರ್ಥ ಕಂಡುಕೊಳ್ಳುವ ನಿಟ್ಟಿನಲ್ಲಿ ನಾವೆಲ್ಲಾ ಸಾಗಬೇಕಿದೆ.ಬನ್ನಿ ಮಾತಾಡಿ..ಜ್ಞಾನ ಸಂಪಾದನೆಗೊಂದು ಮಾರ್ಗ.

ಸರ್ವೇ ಜನಾಃ ಸುಖಿನೋ ಭವಂತು.🙏
ಜಿಜ್ಞಾಸು.: ಈ ನೆಲದ ಸಂಸ್ಕೃತಿಯನ್ನು, ಇತಿಹಾಸವನ್ನು, ಭಾರತದ ಪ್ರಸಕ್ತ ರಾಜಕೀಯ ವಿದ್ಯಮಾನಗಳ ಕುರಿತಾದ ವಿಷಯಗಳನ್ನು ಮಾತ್ರ ಚರ್ಚಿಸುವ ಹಾಗು ತಿಳಿಯುವ ಮನಸ್ಸಿರಬೇಕು. ಇಲ್ಲಿ ಚರ್ಚಿಸಲ್ಪಡುವ ವಿಷಯವೇ ಪರಮ ಸತ್ಯ ಎಂದಲ್ಲ. ಇದು ಅರಿವಿಗಾಗಿ.
ನಿಂದನೆಗೆ ಅವಕಾಶವಿಲ್ಲ.: ಇಲ್ಲಿ ಚರ್ಚಿಸಲು ಭಾರತದ ಪ್ರತಿಯೊಬ್ಬರಿಗೂ ಸಹ ಅವಕಾಶವಿದೆ ಆದರೆ ಧರ್ಮ ನಿಂದನೆ, ವಯಕ್ತಿಕ ನಿಂದನೆ, ಮಾನ ಹಾನಿ, ಮಾಡುವಹಾಗಿಲ್ಲ. ಒಂದು ವೇಳೆ ಅಂತಹ ಕೆಲಸ ಕಂಡುಬಂದಲ್ಲಿ ಚರ್ಚೆಯಿಂದ ಹೊರಹಾಕಲಾಗುವುದು.
ನೀವೇ ಜವಾಬ್ದಾರರು.: ನಿಮ್ಮ ಪ್ರತಿಯೊಂದು ಮಾತು ನಿಮ್ಮ ವಯಕ್ತಿಕ ಅಭಿಪ್ರಾಯ,ಅನಿಸಿಕೆ ಆಗಿರುತ್ತದೆ ಅದರ ಪರಿಣಾಮಗಳಿಗೆ ನೀವೇ ಹೊಣೆ. ಈ ಗುಂಪಿನ ಯಾವುದೇ ಸದಸ್ಯನಿಗೆ ಹಾಗು ಎಡ್ಮಿನ್ಗಳಿಗೆ ಸಂಬಂಧಿಸಿರುವದಿಲ್ಲ. ನಿಮಗಾಗುವ ಕಾನೂನು ತೊಂದರೆಗಳಿಗೆ ನೀವೆ ಜವಾಬ್ದಾರರು.