काव्य गुलकंद on Clubhouse

Description

😊🎧🎙️📝♥️🤝🌈💞✍🏻💐🔥📢📚

कसंकाय मंडळी, मजेत?

लिहिताय ना; लिहिलंच पाहिजे!
अहो; पण नुसतं लिहून तरी काय होणार आहे?!?

🖊️ दिसामाजीं कित्येकदा ते चुकावें, ✒️
📝 चुकावें, लिहावें, कधी ते बकावें! ✏️

समर्थांसमोर उठाबश्या मारून कुस्करलेल्या या ओळींच्या मागचा भावार्थ हाच, कि नुसतं लिहून नाही, तर बोलूनही व्यक्त होता आलं पाहिजे.

यासाठीच....,
आपल्यासाठी तसेच आपल्यातील आपलेपण जागवणाऱ्या कलात्मक गुणदर्शनांचा आढावा घेण्यासाठी आम्ही घेऊन येत आहोत; एक आगळा-वेगळा, सर्वांसाठी खुला रंगमंच!

🎧 काव्य🌹गुलकंद🎙️

जिथं असणार सदाबहार गीतांची मेजवानी, मनसोक्त गप्पा, उत्कंठावर्धक गोष्टी, निखळ हसवणूक आणि सोबतच घेता येणार मधुमय रचनात्मक कवितांचा आस्वाद तुम्ही आम्ही सर्वांनी लिहिलेल्या!

या, अनुभवा आणि सामावून जा;
एका निरागस साहित्याच्या सागरात!

स्वागत आहे तुमचं, 'काव्य गुलकंद' परिवारात!

😊🎧🎙️📝♥️🤝🌈💞✍🏻💐🔥📢📚
😂 ढेकूण मारायला तलवार नको, गाणे म्हणायला गीतकार नको! 🙅🏻: आपली कला सादर करण्यासाठी भरपूर तयारी करायची काहीएक गरज नाही, ऐकणारे सारे आपलेच आहेत असे समजून बिनधास्त सादर करावे. वातावरण अगदी फ्री असेल कारण आपण सारे मैफिलीत आहोत, कोर्टात नाही.
🤪 हातात आला माईक आणि झालो अण्णा नाईक 🎙️: आपल्या प्रत्येक मैफिलीची रूपरेषा ठरलेली असेल. अमुक दिवशी अमुक त्या थीम वरच सादरीकरण करावे. त्या विषयाला अनुसरून जे जमेल ते नक्की सादर करा. थीम सोडून उगा विषय वा मुद्दा भरकटू नये याची खबरदारी घ्यावी.
🤨 आला चेव फुटला पेव नाहीतर, हरहर महादेव! 💥: सादर करणार्‍या व्यक्तीचे सादरीकरण पूर्ण झाल्यावरच दाद द्यावी, फॉलो करावे आणि आवर्जून प्रोत्साहन द्यावे, तोवर आपले माइक ऑफ असतील याची काळजी घ्यावी. प्रत्येकाचे सादरीकरण नियोजित होईलच, निर्धास्त रहावे.