وصل صوتك on Clubhouse

Description

السلام عليكم،
بتتلخص فكرة وصل صوتك إنها بتجمع كل مواطن مصري صاحب بلد و حق و مظلمة (كل مظلوم في مصر أياً كان نوع الظلم)
دون النظر لدينه أو موقعه سواء بالداخل أو بالخارج، أو انتماؤه لأي حزب أو تيار أو جماعة أو فكرة أو حتى مظلوم و مؤيد للنظام.
حملة وصل صوتك واجب وطني على الجميع في وقت واحد. و لكل مواطن دور فيها على حسب انتماؤه و خبرته و وظيفته و شهرته.

دور كل مشهور أو إعلامي إنه يتبنى صوت الناس و يستقبل تفاعلاتهم و يسّّخر منصته أياً كان حجمها لتوصيل صوت الناس لبعضها و يوجههم بفاعليات آمنة و منظمة و تصاعدية.

دور كل مواطن في البيوت و الشوارع أو حتى كل مغترب ( لهم أولوية المبادرة)، كلنا نتكلم و نبعت لكل المنصات إللي هتتبنى واجبنا الوطني و استعداداتنا للثورة و توصل أصواتنا لملايين الناس في مصر .

القائد و البطل هو كل مواطن، يقدر يأثر في الناس بأسلوبه. و يوصل رسالتة لأكبر عدد. و كل فكرة موجودة الأن هتكون أقوى بصوت الناس و تفاعلاتهم و تضم لها أعداد  أكبر.
هنعتبر كلنا إن الثورة الآن واجب وطني بصوتك و فرض على كل مواطن مصري مظلوم له حق.

طالب بحقك في فيديو قصير بصوتك فقط، أو اكتب إنك موجود معانا بخط إيدك. اكتب بس "أنا مواطن مصري" هتوصل رسالتك لاخواتك و تسجل مشاركتك للجميع.

لما نوصل الأعداد و الزخم و الضجة المطلوبة، المعاد هيفرض نفسه.

الفكرة بمراحلها كلها وقتها قصير جداً، لو كل واحد بدأ بنفسه و بالفعل ناس كتير جداً طلعت و اتكلمت بالصوت و بالصورة كمان.

آلاف الناس طلعت اتكلمت و صرخت بعد الظلم إللي وقع عليها. و بنشوف كل يوم على كل المواقع و القنوات و الصفحات   ناس بتوصل صوتها و بتقول مظالمها   حتى لو كان لسة مؤيد و بيستنجد بالحرامي لكنه أصبح مظلوم و بيوصل صوته ليكم انتم، و منتظر اليوم إللي يقدر فيه يرجع حقة.

كل اختلافاتنا و انتماءاتنا و أفكارنا ممكن تتجمع  تحت واجب وطني و بمشاركة كل من وقع عليه ظلم. 
برسالة صوتية أو مكتوبة سهلة جداً و آمنة و محفزة و محطمة للخوف إللي جوانا. و بتقربنا لثورة منظمة
بملايين الأعداد في وقت قصير و كل واحد من موقعه بيسجل دورة لله و لنفسه و لأولاده و للتاريخ.

حفظكم الله جميعاً و وحد صفوفنا و كلمتنا.