GALAYDH 17 on Clubhouse
Bio
MAGAC AANAD UBA DHIMAN MARUUN
LAGUMA HIISHO "
A H N M,MGE
Mar haduu miskiin kula murmo
Oo Magane kuu faano
Mar haduu sidii maati dumar
Muran lasoo boodo
Mar haduu maraan iyo calaan
miiska kuu fuulo
Oo uu ragii muuqan jiray
Midha yare u baano
Macno maleh inaan
maxamuudow Milil salaaxaye
Magarrame hilbaha malafsadiyo
Magari ii dhuuntay
Madax iyo calool lagu murmiyo
Mijo nin dhuuqaaya
Macal cune sariibadaha mira
Uus nin miiraaya
Nimay meheradii tahay waxaan maan rag qabanaynin
Marso layku midig qaaday iyo
Madal clubhouse
Margi iyo nin xiidmaha fagtiyo
Taharo moofeeye
Marag iima galo magaan yaro meel xun yuurura'e
Tolow magaca maad dhawrtid baa laygu maagaaye
Mashaqada risiqa kaa gasha malaha raan dhiise
Meel xun daye mareeg dhiigleh sida baadi mahambeeye
Maqaar saar cid lagu maali jiray madhan nin loo dhiibo
Waxba yaanu aniga ii malmalin maraq bariiseede
Minyaroyinka lagu ogaa madhax lasiiyaaye
Ma malaysan karo maati baa kuu muraad qumine
Aniga magliga hayn jiraye marin kalow leexo
Ama sida ban joogtii mar qudha haydin miro Aarku
Hugaaguna marbuu kula tagaa meheradaha qaare
Maandhow muqaawiirta waa laga mushaaxaaye
Malag baa dhawaqaaya iyo miige xoog badane
Marmarsiinyo layso mariyo
Cadho madiidaysan
Maana u ciil qaba ninaan
miisan jiray tiisa?
Maana midgaan ii tirshaa sida
mayeedhaanka ?
Maana markhaati unoqda
Miino lay Aaso ?
Maana haween ii marshaan
Weedha marinkayga?
Maana masayr iigalaa midho Asaagaya?
Munaafaq iyo maana wariif
Magansado dhawra?
"""""""""""""""""""""""""""'"""""""
W/Q= GALAYDH17
"""""""""""""""""""""""""""""""""""
Adigoon qamuunyo iyo ciil
iyo Qaraw kusoo toosin
Hanku quruxda weeye
kayeel qaali noloshaada
Hana qoonsan Aadmiga
qalfoof qaar ah baa jira'e
Ubaxii bad wayn lagu qubaa
wuu qalalayaaye
Qofna qiime Aanu qaadi karin
Adigu haw quudhin
Qashinkaba waxa lagu qubaa
meel qadhmuun badane
Dadka qaar qalbigu qaadhay
Oo qooman baa jira'e
Qiyaas yeelo togan yaanad noqon
qubayga soo hadhaye
Qorshe iyo halbeeg yeelo dheer
Yaanad quus noqone
Saxiibka qaarkiisna waa laga qasoobaaye
Qalbi xaadhan xulo yaanad noqon
qiiq arooryaade
Noloshuna qarbay saaranto Way qalibantaaye
qushuucdiyo taqwada quud kadhigo
diintu waa quruxe
"""""""""""""""'"""""""""""""""""""
(Hal-A GALAYDH)
"""""""""""""""""""""""""""""""""""
