जस्टिन _ on Clubhouse

Bio

🌿☘️🌿☘️🌿☘️🌿☘️🌿☘️🌿☘️🌿☘️🌿☘️🌿☘️🌿☘️
From KOTTAYAM
Lives in kooothattukulam
അറിവിലേക്ക് വിരൽ ചൂണ്ടുന്ന എന്തും, ഏതും ഗുരു തന്നെയാണ്.അത് ചിലപോൾ വാക്കുകളോ, വ്യക്തികളോ, അനുഭവങ്ങളോ, പുസ്തകങ്ങളോ ഒക്കെയാവാം..
പക്ഷേ ഇവയിലേക്ക് എല്ലാം നമ്മെ നയിക്കുന്നത് ഈ ജീവിതം തന്നെയല്ലേ..?
മറ്റൊരു വിധത്തിൽ ചിന്തിച്ചാൽ ജീവിതം തന്നെയാണ് ഏറ്റവും ശ്രേഷ്ഠമായ ഗുരുവും.

ഒരു പുസ്തകം പൂർണമായും അറിഞ്ഞു കഴിഞ്ഞാൽ മറ്റൊന്നിനെ നാം അറിവിനായി ആശ്രയിക്കുന്നു...
ഒരു സംഭവത്തിൽ നിന്നും, സാഹചര്യത്തിൽ നിന്നും മറ്റൊന്നിലേക്ക്...
ഒരു ഗുരുവിൽ നിന്നും അറിവു നേടിക്കഴിഞ്ഞാൽ മറ്റൊരു ഗുരുവിനായി തേടുന്നു...
ഒന്ന് പൂർണ്ണമായാൽ മറ്റൊന്നിലേക്ക് യാത്രയാവുകതന്നെ വേണം.
ഒന്നുകൊണ്ടും ഒന്നും പൂർണതയിൽ എത്തുന്നില്ലത്രേ...
പൂർണത തേടിയുള്ള യാത്രയത്രേ ജീവിതം...
ജീവിതം എന്നാൽ ഒരു ജന്മം അഥവാ ഒരു ശരീരം കൊണ്ട് മാത്രം പൂർത്തീകരിക്കപ്പെടുന്നില്ല.
ആ പുസ്തകം പൂർത്തീകരിച്ചാൽ, അറിവുകളെ ആത്മാവിൽ ആവാഹിച്ചു കൊണ്ട് മറ്റൊന്നിനെ തേടുക തന്നെ വേണം.
ഭാരതീയ സമ്പ്രദായത്തിൽ, തന്നെ അറിഞ്ഞു കഴിഞ്ഞ ശിഷ്യനെ, മറ്റൊരു ശ്രേഷ്ഠതയിലേക്ക് ഗുരു പരമ്പരകൾ തന്നെ പറഞ്ഞയച്ചിരുന്നു. ആ ശ്രേഷഠതയിൽ ഗുരുശിഷ്യ വിവേചനങ്ങളില്ല, പണ്ഠിത പാമര വേർതിരിവുകളും ഇല്ല. ശരിതെറ്റുകളെന്ന മനുഷ്യനിർമിതികളെ കവച്ചുവച്ചു കൊണ്ട്,
അറിവും അജ്ഞതയും തമ്മിൽ അലിഞ്ഞ് ഒന്ന് ചേരുന്ന തിരിച്ചറിവെന്ന പ്രപഞ്ച ബോധത്തിലേക്കുള്ള വിലയം പ്രാപിക്കലാണത്...
പിച്ചവച്ച ഓരോ വഴിത്താരകളും പ്രപഞ്ച ബോധത്തിലേക്കുള്ള പടവുകളായിരുന്നു.
തല്ലിയും തലോടിയും വഴി നടത്തിയവർ മഹാഗുരുക്കൻമാരും.

''എല്ലാ സംഭവങ്ങൾക്കും, കൃത്യമായ ലക്ഷ്യങ്ങളുണ്ട്. ഓരോ പരാജയത്തിലും ഓരോ പാഠങ്ങളും. പരാജയം വ്യക്തിപരമായാലും, തൊഴിൽപരമായാലും, ആത്മീയപരമായാലും, അത് വ്യക്തിയുടെ പുരോഗതിക്ക് അനുപേക്ഷണീയമാണ്. അത് ആന്തരീകമായ വളർച്ചയും, ആത്മീയ നേട്ടങ്ങളും നൽകുന്നു. കഴിഞ്ഞവയെക്കുറിച്ച് പശ്ചാത്തപിക്കരുത്. അവയെയെല്ലാം ഗുരുവായി കൈക്കൊള്ളുക. അത് ഗുരു തന്നെയാണ്..."