Baha Jacknoon on Clubhouse

Bio

آعز مكان وطني السودان
زغرودك طلقة——————-----------------
بقلم: بهاء جكنون

ضربوا البنات
ديل كنداكات
اخوات مهيرة
بقودوا الثورات
وقود الرجال
البرفعوا الرايات
حرية عدالة
البشعلوا الثورات
كنداكة قودي
ونحنا بي وراك
نفديك بنفوسنا
ما انتو سندنا
أخوات وأمهات
زغرودك طلقة
بتقتل الجداد
جداد اكتروني
وشوية فتات
كنداكة اشرف
من الأمن الشعبي
في الميدان ظاهرة
ووشها بان
كتروا البمبان
دا بخور تيمان
معانا جردل مان
هنا في الميدان
كتر العسكر
حول الطغيان
نحنا شعبنا اكتر
جاينك جوة
ارجف رجفان
ارجف في قصرك
وزيد القضبان
اولاد أم در
بيعشقوا الاوطان
ناس الخرطوم
بولعوا النيران
وفي بحري كمان
عرضنا مجان
بيفن واتقان
قولنا ليك مجان
تعال لينا تعال
تعال يا خيبان
البسجن النسوان
العذب الثوار
انتهك الأسوار
قتل الأستاذ
البنقذ السودان
من ظلام جهال
عمر الرقاص
فوق دم الشهداء
عمر الجبان
والي كسلا الظالم
رئيس شرطة وباطل
ينطق بالضلال
بيعشقوا التزوير
والشعب قال
صغار وكبار
نسوان ورجال
حتى الأطفال
تسقط وبس
تسقط يا جبان
تجار الدين
واي زول وسخان
الليلة يومكم بان
دنا يومكم بان
دنا يومكم بان

#تسقط_بس
١٠ فبراير ٢٠١٩
Facebook.com/kalammojarad
Facebook.com/Bahajack