Vajrapāṇi Yaghlaqar on Clubhouse

Bio

#EndUyghurGenocide
#FreeEastTurkistan
#AntiRadical #AntiMadness
#AntiMangqurt #AntiUGY















IZ

Yash iduq uzun seperge atlinip chiqqanda biz,
Emdi atqa min’güdek bop qaldi ene newrimiz.

Az iduq müshkül seperge atlinip mangghanda biz,
Emdi chong karwan atalduq qaldurup chöllerde iz.

Qaldi iz chöller ara gahi dawanlarda yene,
Qaldi ni-ni arslanlar deshti-chölde qewrisiz.

Qewrisiz qaldi démeng yulghun qizarghan dalida,
Gül-chéchekke pürkinur tangla baharda qewrimiz.

Qaldi iz, qaldi menzil, qaldi uzaqta hemmisi,
Chiqsa boran, köchse qumlar hem kömülmes izimiz.

Toxtimas karwan yolidin gerche atlar bek oruq,
Tapqusi héch bolmisa bu izni bir kün newrimiz, ya ewrimiz.



ئىز

ياش ئىدۇق ئۇزۇن سەپەرگە ئاتلىنىپ چىققاندا بىز،

ئەمدى ئاتقا مىنگۈدەك بوپ قالدى ئەنە نەۋرىمىز.



ئاز ئىدۇق مۈشكۈل سەپەرگە ئاتلىنىپ ماڭغاندا بىز،

ئەمدى چوڭ كارۋان ئاتالدۇق قالدۇرۇپ چۆللەردە ئىز.



قالدى ئىز چۆللەر ئارا گاھى داۋانلاردا يەنە،

قالدى نى – نى ئارسلانلار دەشتى – چۆلدە قەۋرىسىز.



قەۋرىسىز قالدى دېمەڭ يۇلغۇن قىزارغان دالىدا،

گۈل چېچەككە پۈركىنۇر تاڭلا باھاردا قەۋرىمىز.



قالدى ئىز، قالدى مەنزىل، قالدى ئۇزاقتا ھەممىسى،

چىقسا بوران، كۆچسە قۇملار ھەم كۆمۈلمەس ئىزىمىز.



توختىماس كارۋان يولىدىن گەرچە ئاتلار بەك ئورۇق،

تاپقۇسى ھېچ بولمىسا بۇ ئىزنى بىر كۈن نەۋرىمىز، يا ئەۋرىمىز.