Sunilkumar PG on Clubhouse

Bio

കളഞ്ഞു പോയ നോട്ടങ്ങൾ

നോട്ടങ്ങൾ പലതരമുണ്ട്

പുളിച്ചു തികട്ടുന്നവ

വീണിടത്തു കിടന്നുരുണ്ടു തിമിർക്കുന്നത്

നോട്ടം മുറിച്ചുകളയുന്ന വ്യഭിചാരങ്ങളാണു ചിലത്

ഒറ്റ നോട്ടത്തിൽ മനുഷ്യന്റെ സത്തു മുഴുവൻ ചോർത്തിയെടുക്കുന്ന കഴുകൻമ്മാരുമുണ്ട്

കണ്ണുകൾ ശരീരകോശങ്ങളിൽ ഉമ്മ വെച്ചണച്ചു നിൽക്കും

ലോകത്തിൽ പെറ്റു വീണ ആദ്യ മേൽവിലാസമാണത്രേ നോട്ടങ്ങൾ

ഉയരങ്ങളിൽ നിന്നും നിർമലമായി തഴേക്ക് പതിച്ച് ചിന്നി ചിതറി തെറിക്കുന്നു

ചിലത് പവിത്രമായ പേറ്റുനോവിനാൽ പിറവിയെടുക്കുന്നു

ഒളിഞ്ഞുനോട്ടം കഴിഞ്ഞു മടങ്ങി വരുമ്പോൾ കണ്ണുകൾ മനപൂർവ്വം കഴുകിയിരുന്നില്ല

ചിലപ്പോഴത് ഒരു മഹായാത്രയുടെ പൊടി പറപ്പിക്കുന്ന തുടക്കമാകുന്നു

വാതിൽക്കൽ മുട്ടി വിളിച്ച് സമ്മതം കാത്തു നിൽകുമായിരുന്നു ഞാൻ

ഇത്രയും മാന്യത വേണ്ടിയിരുന്നില്ലെന്നു പിന്നീടു തോന്നിയിട്ടുണ്ട്

മനപൂർവ്വമായി ഒഴിവാക്കപ്പെട്ട ഒരു നോട്ടത്തിലായിരുന്നു തുടക്കം

യാത്രയിൽ നാമറിയാതെ കൈകൾ മുട്ടുകയും പിന്നീട് ഉമിനീർ കൈമാറുകയുമുണ്ടായി

കാലമെത്ര കഴിഞ്ഞിട്ടും മനപൂർവ്വമായി ഒഴിവാക്കപ്പെട്ട നോട്ടങ്ങളുടെ കണക്കെടുപ്പ് ഇനിയും അവസാനിച്ചിട്ടില്ല ....