Undak Hey on Clubhouse

Bio

Сайн санасандаа л барьдаг
сархад гэдэг идээ чинь
Савнаасаа бусдыг дийлдэгийг
хэн хүнгүй л хэлэлцдэг ч
Санахаас тѳдий хэтрэхгүй
нэвширтлээ л хэрэглэх юм
Сайхан хүмүүс түүнд
хичнээн ихээр живнэ вэ. . .

Гэмгүй нэгнийг дѳвчин болгож
Гэнэгүй нэгний ѳвчин болж
Гэрэлт ирээдүйн нарыг бѳхѳѳж
Гэр бүлийг сүйрүүлж байна

Сайн явсанд чѳдѳр болж
Сайхан нэгнийг чѳтгѳр болгож
Самуун цагийн зугаа болж
Саар бүхний дѳгѳѳ болсоор. . .

Хоёрыг холдуулж
Хотлыг хордуулж
Хойчийг мѳхѳѳх
Хорлолд нь автсаар л. . .

Элдэв баяр олдоод л
Эрх чѳлѳѳ нь дэндээд л
Энэ эхүүн ундаа
Элбэг нь хэтэрлээ, яана даа

Адын ундааг хэмжээгүй хэрэглэж
Албин тусаж ухаанаа залгиад
Алдаа бүхнээ архинд чихээд
Ай миний ардууд, арай юу даа
Бодохсон доо!

Эр эмгүй уугаад л
Их багагүй согтоод л
Эмх замбараагүй наргиад л
Ингэж яах болох вэ. . .

Тѳрсѳн биеийн зовлонгоо
Тѳрд чихэж туйлшраад л
Тѳвѳнх аргаан хашхичиж
Тѳрѳл саднаа үймрүүлээд л

Жаргал нь дэндэж ээ та минь ээ
Жаахан ухаантай байхсан даа
Жавартай цаг харьж л таараа
Жаргалтайн дэлгэр дэвжих л болно

Солиот цагийн салхинд
Согтуу голцуу ганхалдаад
Соёлт ертѳнцийн нарыг
Солироор харж ханалаа

Бүгдээрээ одоо больцгооё
Бүтээн байгуулж хѳгжицгѳѳе
Бүрэлгэсэн эрх чѳлѳѳгѳѳ сэргээе
Бүрэн эрхэт улсдаа эзэн нь байцгаая

Ардаараа овоглодог улс маань
Архичдаараа цоллуулахаа больё
Аархал хийгээд цамналаа
Алдрай хойчдоо зориулъя

Шилтэй цэнхэрийг хага цохь
Шинэ үетэй эрүүл золгоё!