ಬಾರಿಸು ಕನ್ನಡ ಡಿಂಡಿಮವ on Clubhouse

Description

ಬಾರಿಸು ಕನ್ನಡ ಡಿಂಡಿಮವ
ಓ ಕರ್ನಾಟಕ ಹೃದಯ ಶಿವ

ಸತ್ತಂತಿಹರನು ಬಡಿದೆಚ್ಚರಿಸು
ಕಚ್ಚಾಡುವರನು ಕೂಡಿಸಿ ಒಲಿಸು
ಹೊಟ್ಟೆಯ ಕಿಚ್ಚಿಗೆ ಕಣ್ಣೀರ್ ಸುರಿಸು
ಒಟ್ಟಿಗೆ ಬಾಳುವ ತೆರದಲಿ ಹರಸು

ಬಾರಿಸು ಕನ್ನಡ ಡಿಂಡಿಮವ
ಓ ಕರ್ನಾಟಕ ಹೃದಯ ಶಿವ
ಕ್ಷಯಿಸಶಿವೇತರ ಕೃತಿ ಕೃತಿಯಲ್ಲಿ
ಮೂಡಲಿ ಮಂಗಳ ಮತಿಮತಿಯಲ್ಲಿ
ಕವಿ ಋಷಿ ಸಂತರ ಆದರ್ಶದಲಿ
ಸರ್ವೋದಯವಾಗಲಿ ಸರ್ವರಲಿ

ಬಾರಿಸು ಕನ್ನಡ ಡಿಂಡಿಮವ
ಓ ಕರ್ನಾಟಕ ಹೃದಯ ಶಿವ

ಕವಿ: ಕುವೆಂಪು
ಸದ್ವಿಚಾರಗಳನ್ನು ಹಂಚೋಣ ✅: ಕನ್ನಡ ಕುರಿತಾದ ಸಂಗತಿಗಳಿಗೆ ಹೆಚ್ಚು ಪ್ರಾಮುಖ್ಯ ನೀಡೋಣ. ನಮಗರಿಯದ ಅದೆಷ್ಟೋ ಹೊಸ ಪದಗಳ ಕುರಿತು ತಿಳಿದುಕೊಳ್ಳೋಣ. ಒಳ್ಳೆಯ ವಿಚಾರಗಳನ್ನು ಹಂಚೋಣ.
ಕನ್ನಡ ಪುಸ್ತಕ ವಿಮರ್ಶೆ ✅: ಕನ್ನಡವನ್ನು ಆಳವಾಗಿ ತಿಳಿಯಬೇಕಾದರೆ ಕನ್ನಡ ಪುಸ್ತಕಗಳನ್ನು ಓದು ಅವಶ್ಯ. ಹೀಗಾಗಿ ಕನ್ನಡ ಪುಸ್ತಕಗಳ ಕುರಿತು ಇಲ್ಲಿ ಮಾತನಾಡೋಣ. ನೀವು ಓದಿದ ಪುಸ್ತಕಗಳನ್ನು ಇಲ್ಲಿ ಹಂಚಿಕೊಳ್ಳಿ. ನಾಲ್ಕು ಜನಕ್ಕೆ ತಿಳಿಯಪಡಿಸೋಣ.
ಹರಟೆ ಕೊಂಚ ಕಮ್ಮಿ !: ಸ್ನೇಹಿತರೆ, ಹೌದು ಕ್ಲಬ್ ಹೌಸ್ ನಲ್ಲಿ ಹರಟೆಗಳೇ ಹೆಚ್ಚಾಗುತ್ತಿವೆ. ಅದೂ ಬೇಕು ಆದರೆ ಎಷ್ಟು ಎಂಬುದನ್ನು ನಾವೇ ನಿಗದಿಪಡಿಸಿಕೊಳ್ಳಬೇಕು. ಅಂದ್ರೆ ಊಟದ ಉಪ್ಪಿನಕಾಯಿಯಷ್ಟು.