Nama tuluver(ನಮ ತುಳುವೆರ್) on Clubhouse

Description

ಮಿತ್ತ ಮೇಗಿಮ ಲೋಕೊಡು ಬಾನ ಬಡಕೊಂದು ಸೂರ್ಯ
ನಾರಾಯಿನ ದೇವೆರ್ ಉದಿಯ ಬೆಂದೆರ್.. ತಿರ್ತ ಸಿರಿಬಾರಿ ಲೋಕ
ಉದಿಯ ಬೆಂದೆಂಡ್.. ಕತ್ತೆರಿ ಕಡಲ್.. ಮುತ್ತೆರಿ ಕಡಲ್.. ನೆತ್ತೆರ
ಕಡಲ್.. ಅಲ್ಲಿ ಕಡಲ್.. ಸುಲ್ಲಿ ಕಡಲ್.. ನೀರ ಕಡಲ್.. ಪೇರ ಕಡಲ್.
. ಏಲೇಲ್ ಕಡಲ ನಡುಟು.. ವಜ್ರಮಾಲೋಕಂದ ಯರಮನೆಡ್..
ದೇವೆರ್ ಬೆಮ್ಮೆರ್ ಉದಿಯ ಬೆಂದೆರ್.. ಆದಿ ಮೂಲೊದ ಸತ್ಯೊಲು
ಉದಿಯ ಬೆಂದೆರ್.. ಮರಿ ಪುಟ್ಟ್ಂಡ್.. ಪುರಿ ಪುಟ್ಟ್ಂಡ್.. ಪಚ್ಚ
ಪಜಿರ್ ದೈ ಬೂರು ತೆಗ್ಲೆ ಕೊಡಿತ್ಂಡ್.. ಪುಂಚದ ಸರ್ಪೆ
ಸುಯಿಂತ್ಂಡ್.. ನೀರ ನಿಗಲೆ ಪತ್ತ್ಂಡ್.. ಕಾಡ ಎರು ತಾಡ್ಂಡ್..
ದಾಡೆದ ಪಂಜಿ ಅರೆದ್ಂಡ್.. ಗುಡ್ಡೆದ ಪಿಲಿ ಗೌರ್ಂಡ್.. ಅಕ್ಕಸೊಡು
ತೆಡಿಲ್ ಅಬ್ಬರೊಡು ತೆಲಿತ್ಂಡ್.. ಸೊರ್ಕಿನ ನರಮಾನ್ಯ ಪುರಿಕ್
ಪಸು ಬುದ್ದಿ ಬುಡ್ಪಾಂಡ್ ಪೊಸ ಬುದ್ದಿ ಕಲ್ಪಾಂಡ್.. ತುಲುವ ಪುಟ್ಟುದ
ಅಮ್ಮೆ ಬೆಮ್ಮೆರೆ ಮಾಯದ ಗೊಬ್ಬು ತೋಜಾಂಡ್.. ಕುಡು ದಕ್ಕ್ಂಡ್.
. ಅರಿ ಬಿರ್ಕ್ಂಡ್.. ಮೆತ್ತೆನೆದ ನುಪ್ಪು ಬೆಯಿತ್ಂಡ್.. ತುಲುನಾಡ್
ಉದಿತ್ಂಡ್.. ಉಪ್ಪು ನೆತ್ತೆರ್ದ ಬೆಪ್ಪು ಜೂವದ ನರಮಾನ್ಯ ಉಡಲ
ಕಡಲ ನಡುಟು ಸಾರ ಕತೆಕುಲೆ ಒರುಟ್ಟು ಸಾರ ಬೂತೊಲೆ ಮಿತ್ತ್
ಒಂಜಿ ನಂಬು ನಂಬೊಲಿಗೆದ ತುಡರ್ ಅರ್ಲ್ಂಡ್..

ಉಂದು ಆದಿ ಮೂಲೊಡು ತುಲುವ ಮಣ್ಣ್ ಉದಿತ್ ಬತ್ತಿನ ಕತೆ..
ನರಮಾನ್ಯ ಉಡಲ ಕಡಲ ನಡುಟು ನಂಬು ನಂಬೊಲಿಗೆ ಉದಿತ್
ಬತ್ತಿನ ಕತೆ..