لجان المقاومة في أوروبا on Clubhouse

Description

لو السحاب رحل
ورجعت قوافل عرض الطريق
يا .. يمه كيف
حالك كيف
دوت هتافات الطريق
والسمحة في زفة سحاب
والغيم لبس زاهي الوشاح
هطلت أمطار الخريف
قوليلي كيف
احكيلك كيف
اوصفلك كيف
طلع الهمبريب
والنيل لبس أجمل زفاف
بشر جريد النخيل
والقمري قوقا
قوقي قوقي يا قمرية قوقي
انشري قمصان الشهيد
سر ثباته
وجمال بهاء
كل خطوة للشمس البعيدة
قولي للغنى المكتف
احرق مراسي الغياب
علميه يرتاد الدروب
يفتح أبواب الصدور
أبداً ما عاش صدود
كل دروب للشمس تكون
زغرودة للحلم البطول
لا .. لا
لا .. لا ما بترضى نفوت
ويضيع عمر الزهور
يا .. يمة كيف حال السرور
لا .. غصب
لا .. بنادق تكون
يبقى الفرح ممتد فصول
نبقى زي ما نكون
لا .. عطش
لا .. فراق يطول
لا .. بندس خلف البيوت
ويرحل العُشر الكذوب
تملأ عيويناتنا المشارق
كل صباح لينا شروق
وندمن الضحك السرور
كل سودانا زي النجوم
والدروب شاسعة تكون
يا .. هتافات السجون
والفرح مالي الغصون

🇸🇩🔥