ERITREAN SOLUTION, ፍታሕ?? on Clubhouse

Description

ኤርትራን ህዝቢ ኤርትራን ኣብ ኣዚዩ ዓዘቕቲ ዝኾነ ስቓይን ማእሰርትን፡ ስደትን ፋሕ ኢሉ ይርከብ። ኣብ ኤርትራ ዘሎ ናይ መንግስቲ ሽም ጥራይ ዝሓዘ ሓንቲ ቑሸት ውን ከማሓድር ብቕዓት ዘይብሉ ዋንነት ናይ 10 ሰባት ዝኾነ ህግደፍ ኣሎ። ን30 ዓመታት ተፈቲኑ ዝፈሸለ ሕግን ስርዓትን ዘይፈልጥ ጨፍላቒ ስርዓት ህዝቢ የጥፍእ ኣሎ። ነዚ ስርዓት ድማ ክልወጥ ወይ ክመሓየሽ ዘይኮነ፡ ስልጣኑ ከረክብን ክእለን ክኽእል ጥራይ ኢዩ ዘለዎ። ነዚ ኣብ ኤርትራ ወሪዱ ዘሎ ሽግር ድማ መፍትሒ ክንረኽበሉ ይግባእ። ኣብቲ ዝወርድ ዘሎ ጸገም ዘይኮነ ነቲ ዝወርድ ዘሎ ጸገም ጠጠው ክብለሉ ዝኽእል መፍትሒ ሓሳብ ኢሂን ሚሂን ክንበሃሃል ይግባእ።
እዚ ሩም ብዛዕባ ኣብ ሃገርናን ህዝብናን ዝወርድ ሽግር መፍትሒ ዝኾነ ሓሳባት ጥራይ ጸቒጡ ይዛረብ።
ነብሲ ወከፍ ተሳታፋይ ድማ መፍትሒ ይኸውን ኢዩ ዝብሎ ሓሳብ ብኣገባብን ብኽብረትን የቐምጥ።
ዝኾነ ሰብ ዝደለዮ ሓሳብ ክዛረብ ፍቑድ ኢዩ።
ኣብዛ ገዛ ክንክተሎም ዘለና ኣገባብ።: 1፡ ሰብ እናተዛረበ ቆሪጽካ ምእታው ኣይፍቀድን። ሕቶ ዘለዎ ምልክት ይገብር በዓል ሪጋ ሰዓቱ ምስወደአ ኣድሚን ሕቶታት ይቕበል።
2፡ ነብሲ ወከፍ ተሳታፋይ ናቱ ፍታሕ ዝብሎ ሓሳብ እምበር ኣብ ወሃብቲ ሓሳብ ተሞርኪሱ መልሲ ምሃብ ኣይፍቀድን። ኣድላዪ እንተኾይኑ ብፍቓድ ሞዴሬቶር ይኸውን።
3፡ ዘረባ 5ተ ደቒቕ ጥራይ።