النمر الوردي on Clubhouse
Description
ليه النمر الوردي؟ ...في الـpop culture ..النمر الوردي ككاراكتر ..ولو اتفرجت عالكرتون والافلام ..هو عبارة عن رمز ..رمز للشخص اللي بيخش في مشاكل وغموض غصب عنه ..وحاجات كتير هو مش فاهمها..وكلها حاجات بتقاطع روقانه واستجمامه ..ورغبته في انه يأنتخ ويتبسط..ومع ذلك هو عدمي..مش فارق معاه تماماً ايه اللي بيحصل برة الأوضة..حتي اسمعوا مزيكا النمر الوردي عاليوتيوب ..غموض ..وبعدين دلع.
هو نمر ..ممكن يبقي شرس..بس بيختار يهدي ..ويتبسط...ويتـchill...ولا بيعض ولا بيجزّ ..وعايز يرجع ينام في هدوء...بيختار يبقي "بمبي" ..من الاخر.
جيلنا جيل طول الوقت في خناقات ومشاكل ..وبيتكلم في حاجات اكبر منه ..العدمية ..والوجود ..والاكتئاب والمشاكل والانتحار...والاحباط هو السائد.
فلسفة النمر الوردي هي فلسفة عدمية ايجابية...يعني مش هي ملهاش لازمة؟ ..لا انا مش هندب وهقول انا عايز اموت ...انا هتبسط باللي موجود..لحد ما الموضوع يخلص لوحده.
منطقي اصلاً..مش هي كدة كدة كلام فاضي؟ يبقي "قطتها في توتتها"...خلاص انا هتبسط.
وعليه ال club ده هي فلسفتي الشخصية في العدمية.. انا بحب وبعرف ابسط نفسي.....بحاجة تضحك..باغنية رايقة...بمشروب ...بأكلة حلوة.
ومش حاجات مادية خالص...هنشوف نتبسط ازاي...بسندوتش جبنة رومي بشيبسي...بكلمة حلوة من شاب رامياه في الفريندزون ومش عايز منك حاجة ..بكوباية زبادي عسل وانت بتلعب استميشن.
حد يقولي يابو النمور ...طب ده مش يبقي تجاهل وهروب؟ ..لأ مش بقولك تجاهل ..بقولك تكيّف...وعيش ..مش عشان مش موافق علي شروط اللعبة تبوظ علي نفسك متعتها.
في الـclub ده هنسمع اغاني رايقة ومناقشات رايقة .. وهنحاول نظبط المود...هنناقشها سوا هنا عادي متتكسفش.
في عالم مليان حيتان زرقا عايزة تنتحر ...خلينا نمور وردي عايزة تتبسط.
عالهادي يا زبادي ....
Last 30 Records
| Day | Members | Gain | % Gain |
|---|---|---|---|
| June 17, 2024 | 205 | +4 | +2.0% |
| March 16, 2024 | 201 | +1 | +0.5% |
| January 26, 2024 | 200 | +4 | +2.1% |
| December 12, 2023 | 196 | +1 | +0.6% |
| November 03, 2023 | 195 | 0 | 0.0% |
| October 04, 2023 | 195 | +3 | +1.6% |
| September 04, 2023 | 192 | +1 | +0.6% |
| August 06, 2023 | 191 | +3 | +1.6% |
