Yotaa Said on Clubhouse

Bio

لو دخلت علي LinkedIn أو علي ال Clubhouse
هتحس أن كل الناس بتنجز في حياتها وعندهم إمكانيات وخبرات عاليه و انك الوحيد الفاشل في حياتك

لو دخلت علي جروبات القراءة هتحس أن كل الناس مثقفه وقرأوا مليون كتاب وانت الوحيد اللي جاهل فيهم

لو دخلت علي جروبات السفر هتحس أن كل الناس بتركب لسويسرا والمانيا من موقف عبود وانت الوحيد اللي مبتخرجش من بيتك

لو دخلتي علي جروبات الميك اب والفاشون هتحسي أن كل البنات ستايل و بيلبسوا كل البراندات وبيهتموا بنفسهم وانتي الوحيده اللي مقشفه و دولابك فيه هلاهيل

لو دخلت علي جروبات ال GYM هتحس أن كل الناس بتعمل فورمة الساحل وكل الناس صحتهم كويسة وانت الوحيد اللي وزنك زايد وصحتك خربانه

لو دخلت علي جروبات الكابلز أو الذكريات هتحس ان كل الناس عندهم صحاب سند وظهر ليهم وانك الوحيد اللي بائس ومتعرفش حد نضيف في حياتك

السوشيال ميديا هدفها دائما أنها تحسسك انك مش كفايه
مش كفايه في كل حاجه
مش كفايه في شكلك وجسمك ولبسك وتعليمك وعلاقاتك وكل حاجه

السوشيال ميديا دي كدبة كبيرة .. و حرفياً هما بيعملوا فلوس من كل لحظة انت حسيت فيها ان الي عندك مش كفاية .. دا هدفهم في الحياة تفضل طول الوقت تجري ورا اهداف غير منتهية و يعدي بيك العمر تكتشف انك ضيعته في البحث عن حاجات انت عمرك ما احتجتها

حاول تفوق من الوهم ده وبلاش تنخدع بال Success Media Theory والرويال موديل عن السعادة اللي بيحاولوا يصدروها ليك عشان يبيعوك ويقبضوا الثمن
واعرف ان اكبر نعمه ممكن تبقي في حياتك هي نعمه الرضا والسلام النفسي أكثر من ال perfectionism والكمال اللي عمرك ما هتوصلهم.