Ûsiv Xidrikan on Clubhouse

Bio

Yousef M. Yousef...
∉
16-09-95

Literature, art &
photography.

📍Zutphen resident, NL🇳🇱

https://xportfolio21.wordpress.com/


**
Êdî biyan bûm "6"

"Di 18-07-2020, kat: 15:15.."


Trên diçe
Wêne di paceyan de digerin
Raman ji dûr ve tên
Bîranîn di bîrikê de dilîzin
Heş diaxîne û hestên fişartî bi stiran re dirêje.

"Ma jîyan çi ye ?!" Ji xwe dipirsim, "Gelo, em çi ne ?!!", "Em çima dijîn ?!!!"...

"Dema ez jîyam gotin: binêrin lo, ev dijî.
Ez ramîyam bi xwekujî, gotin: guneh e weha..
Ma çi ye rast û ne rast di vê jîyanê de gelo!!"

Rûniştîbûm,
Hat bîra min dema zarok bûm,
Dema ku hîn tênegihabûm,
Hatin bîra min rojine bê xem, bê nasîn û bê qêrîn.

Sal dibezin,
Em roj bi roj windatir dibin,
Em nizanin qet çi dikin,
Tenê zanin ku hîn dijîn.
"Ji bo çi?", "ta kengî?", Ev pirsine bê bersiv in.
Da ku berxwe bidin divê em qet nepirsin.
Divê em raweya pirsê ji bîr bikin.

Êdî bîyan bûm..
Na, ne ji ber dûrbûna war, lêbelê ji ber ku têgiham ku ez bê war, bê bawerî û bê kes im.
Ji ber ez têgiham ku ez nezan im û dê herdem nezan bimînim.
Ji ber têgiham ku zana qet tine ne û zanatirîn kes ew e yê nezantirîn.
Ji ber ez têgiham ku em giş ne tişt in û ne dê bi tişt bin.

Êdî bîyan bûm ji ber ku ti vînên min qet neman û êdî roj çû bû ava...