Vijay Vin on Clubhouse

Bio

ஒரு சிறிய நடிகனாக வாய்ப்பு கேட்கும் கலைஞன்
நான்

சங்க காலத்தில்
கலை எவ்வாறு தோன்றியது?

மனத்துள் தோன்றும் கற்பனைகள் ஒரு கட்டமைப்பை உருவாக்குகின்றன. இக்கட்டமைப்பு பின்னர் கலையாக உருவெடுக்கிறது. கற்பனைக் கட்டமைப்பை எளிதாக இப்படிச் சொல்லலாம். நாற்காலி ஒன்றைக் கற்பனை செய்தால்,  அது வெறும் நாற்காலியில் அமரும் நிலையை மட்டுமே குறிப்பதாகாது.  தற்காலச் சூழலில் நாற்காலி என்றதும் ‘பதவி’  என்னும் ஒரு கற்பனை விளைகிறது.  எனவேதான், கலைஞர்களின் படைப்பில் உட்பொருள் உண்டு என்பதை உணரவேண்டும்.  ”போலச் செய்தல்”  என்னும் ஒரு பண்புதான் எல்லாக் கலைகளுக்கும் அடிப்படை.  எடுத்துக் காட்டாக, இனக்குழுச் சமூகத்தில் -  வேட்டைச் சமூகத்தில் – வேட்டைத் தொழிலுக்குச் செல்லுமுன்னர் வேட்டை பற்றிய கற்பனைக் காட்சியைப் ‘போலச் செய்தல்”  முறையில் நிகழ்த்திப் பார்க்கிறார்கள். வேட்டைப் பலனை மனத்துள் கற்பனை மூலம் மந்திர ஒலிப்பாக ஒலிக்கிறார்கள். உடல் அசைவுகளால் நடனம் ஆக்கிச் செயல்படுத்தும்போது அது சடங்காகிறது.  இவ்வாறு நிகழும் – நிகழ்த்தும் – மந்திரங்களும் சடங்குகளுமே பின்னாளில் கலையாக உருப்பெறுகின்றன. இந்தக் கொள்கையைப் பாறை ஓவியங்கள் நமக்குப் புலப்படுத்துகின்றன.  பாறை ஓவியங்களில் காணப்பெறும் ”கைகள்”  ஓவியங்கள், சடங்கு-மந்திரம் ஆகியவற்றின் வெளிப்பாடே.  பாறை ஓவியங்களில் ‘கைகள்’ வரையப்பெற்றமை உலகம் முழுக்கக் காணலாம். தொன்மங்கள் என்னும் கற்பனைகளிலிருந்து கலைகள் தோன்றியிருக்கின்றன.