Tserenlkham Re on Clubhouse

Bio

ЯМАР ИХ ХАЙРТАЙГ МИНЬ МЭДЭХ ГЭВЭЛ...
Ядаж нэгэн намрын борооны дуслыг тоолчхоод ирээрэй
Би хариулъя...
Ялгаа байхгүй нэгэн өвлийн цасан ширхгийг бүртгэчхээд ирээрэй
Би харуулъя...
Ямар их хайртайг минь мэдэх гэвэл
Яг чиний тоонд чинь би тааруулъя

Голын хоёр эрэгт багтаагүй хөрс шороогоор биш
Гарын хоёр алганд чинь багтах элсэн ширхгээр хариулъя
Энэ чамд ихэднэ...
Надад чи ямар хэмжээгээр хайртай юм? гэвэл
Нарын гэрэл сүвлэж барчхаад дахиад асуу
Цаг хугацаа чамд багадна...

Буруутгалд өнчирсөн сэтгэлийн минь энгэр бэлээс
Бүдэгхэн төвөргөөн наашилж
Бодлын наран итгэлийн тохойд чинь өндийхөд
Би чамд ямар их хайртайгаа
Булшин доороосоо ч нотолно оо ...

Дутуу, дүүрэн хоёрыг минь тэнцүүлж
Дэлхийгээс гуйсан
Далан жилд минь хамт байгаарай
Дараа нь хариултаа чи өөрөөсөө олноо

Ямар их хайртайг минь мэдэх гэвэл
Ядаж нэгэн намрын борооны дуслыг тоолчхоод ирээрэй
Би хариулъя...

Todko Samson