Shak K on Clubhouse
Bio
زعلك من الدنيا كلها حاجة،وزعلك من زول إنت في يوم كنت بتقول عليه صحبي وبتتباهى بصحبتو وسط الحواليك وبتراهن عليه وشبه بتحاول تكتفي بيه ده حاجهه تانية خالص،إنك تهون على صحبك او إنو تتعامل منو بلا مبالاة وبقله تقدير في وقت كان ممكن يبين ليك العكس لحوجتك ليه دي حاجه حتخليك تبني حواجز كتيرة بينك وبين الف شعور لطيف وبين الف شخص م ليهم ذنب ظنا منك إنو الناس دي في يوم ممكن تعمل معاك كدة وتعيشك نفس الإحساس دة وحتتحول 180درجه معاك ،دايما حيلازمك شعور عدم الاطمئنان وحتتحول من بني أدم وجودو لطيف في كل علاقة يدخلها لبني أدم جامد وحذر جدا ونظرتو سلبية للمستقبل وبيختار يكون في الجانب بتاع إنو م يبادر بي شي تجاه أي علاقة بيدخلها حتى مع الناس البتستحق إنو الواحد يخطي 10خطوات تجاهم ،خيبات الأصحاب بالذات تشوهاتها عمرها م بتتعالج كليا ودايما بتخلف وراها ندبات بتذكرك بالإنت بتحاول تتجاوزو وتخليه ورااك
صحبك يعني تلقاه في الشدائد،يعني لما تقول ي صحبي اللحقني يقول ليك إنت وين قبل م يعرف مالك،حتى محاوله وجودو معاك بدون م يعمل شي بتكون كافيه بالنسبه ليك ، يعني لما تعاتبو تلقاه بيتحايل عليك علشان بس يخلي المركب تمشي،يعني في زعلك،ووقت مرضك تلقاه بيقول ليك معليش، أنا هنا وبكل حنيه الدنيا بتلقى يدو بتربت على كتفك...🌻♥️
عموما " عاف الصديق الما بهم بيك"....
