Shiju കർണ്ണൻ on Clubhouse

Bio

🚩നീലബ്ധിവീചി പരിസേവിത പുണ്ണ്യഭൂമീ
ശൈലാധിരാജ പരിശോഭിത ദേവഭൂമീ
ഈ ഹിന്ദുഭൂമി ഭുവനത്രയ പൂജ്യയായി-
ത്തീരാന്‍ ജപിക്ക പരിപാവന സംഘമന്ത്രം

സമ്പൂര്‍ണ വൈഭവമുയര്‍ന്നു ജഗദ്ഗുരുത്വം
കൈവന്നിരുന്ന പരമോന്നത ഹിന്ദുരാഷ്ട്രം
ആചന്ദ്രതാരമണയാത്ത കെടാവിളക്കായ് –
ത്തീരാന്‍ ജപിക്ക പരിപാവന സംഘമന്ത്രം

പാരിന്നു പണ്ടുമുതലേ വഴികാട്ടിവന്ന
നാടിന്നെഴും പരമദീനതയിന്നു കാണ്‍കെ
നോവുന്നു ചിത്തമണുവെങ്കിലഖണ്ഡഭക്തി-
പൂര്‍വ്വം ജപിക്ക പരിപാവന സംഘമന്ത്രം

ഹിന്ദുക്കള്‍ തന്‍ വിഘടിതസ്ഥിതി വേരറുക്കാന്‍
അത്യന്തസംഘടിത ശക്തി പരം വളര്‍ത്താന്‍
നാമാവശേഷ ‘സ്വയമേവ മൃഗേന്ദ്രഭാവം’
നേടാന്‍ ജപിക്ക പരിപാവന സംഘമന്ത്രം

പൂവിട്ടുവാഴ്തി അനുകൂലികളാദരിക്കാം
ശൂലത്തിലേറ്റിയെതിരാളികള്‍ നിഗ്രഹിക്കാം
ഖേദം പ്രമോദമിവ വേണ്ട നിതാന്തശാന്ത-
ഭാവം ജപിക്ക പരിപാവന സംഘമന്ത്രം

ഒന്നിച്ചു പോന്നവരിടയ്ക്കു മടങ്ങിയേക്കാം
നന്നെന്നു വാഴ്ത്തിയവര്‍ നാളെ മറിച്ചു ചൊല്ലാം
തന്നുറ്റ ബന്ധവര്‍ തളര്‍ന്നു നിലംപതിക്കാം
എന്നാല്‍, ജപിക്ക പരിപാവന സംഘമന്ത്രം

ഭക്ത്യാദരേണ ഭഗവക്കൊടിസാക്ഷിയാക്കി
പാലിക്കുമെന്നു സ്വയമേറ്റ മഹാവ്രതത്തെ
പ്രാണാധികപ്രിയമൊടും പരിരക്ഷചെയ്യാന്‍
നിത്യം ജപിക്ക പരിപാവന സംഘമന്ത്രം

ക്ഷീണിച്ച ദേഹമുയിരറ്റടിയുന്ന മുന്നേ
ദാഹിച്ച കണ്ണൊളി മറഞണയുന്നമുന്നേ
അത്യന്തവൈഭവസമുജ്ജ്വലഹിന്ദുരാഷ്ട്രം
കാണാന്‍ ജപിക്ക പരിപാവന സംഘമന്ത്രം