Migdad Zumrawi on Clubhouse

Bio

وازن بين بشريتك و انسانيتك.. الانسان اللي جواك هو عبارة عن الإنسان الحلو و النضيف و النبيل اللي إنت عاوز تكونو ، بس للاسف ما حتعرف تكونو .. حاول تقبل الحقيقة دي عشان ما تحبط بعد كل محاولة فاشلة، بالعكس تقوم و تحاول تاني ، و هو ده اللي ممكن يحافظ على الإنسان اللي جواك.
أما بشريتك دي.. فـ دي للاسف الجانب المظلم فيك، و إنت بتحاول تهرب منها أو تقضي عليها ، بس للاسف ما حتعرف. أحسن حاجة تعملها انك تحاول الغلط اللي عملتو .. ما تعملو تاني.. و دي كمان صعبة.. بس انا قلتلك تحاول..
الناس اللي حواليك بتدور على ملائكة ، من الضلمة اللي جواها يا عيني .. ممكن يشوفوك على انك ملاك كريم.. مهما حاولت تقنعهم انك مش ملاك و ما عندك جنحين و و و مش حتعرف.. حيظلوا يشوفوك كـ ملاك لحد ما يطلعو على الجانب البشري المظلم بتاعك.. و مش من حقك تطلع أي واحد على كدة، الرسول قال إذا بليتم فاستتروا..
سيب الناس تبني منك التمثال اللي هم عاوزينو و ينظرو لك كـ ملاك ممكن يكونو محتاجينو ..
عموما مصير البشرية اللي جواك تطلع و يشفوها في وقت ما.. وقتها الصنم حيتهد و الملاك جنحينو حتقع.. و حتطلعو قرون .. و حيتحول لشيطان، للاسف.. هم الناس كدة.. يا أبيض يا أسود.. اللون الرمادي ده ما يحبوه و لا يعرفو.
الحقيقي منهم حيفضل معاك..
و إنت كمان ، حاول خليك حقيقي..
اتعايش مع حقيقتك حتى لو يبان في الأول إنها مش حلوة بس إلا ما في الآخر تلقى الناس الحقيقة اللي تتقبلها..
حتى كلام بسيط زي البايو ده صيغو إنت.. على الأقل حيمثل عقلك و خبرتك وحيكون طالع من قلبك على الأقل حيكون حقيقي.