މަރީޝާ މަރީ on Clubhouse

Bio

ދުލުން ބުނެލަން ނިކަން ފަސޭހައެވެ. ނަމަވެސް ހިތުން ނެރެ ބޭރުކޮށްލުމަކީ އުނދަގޫ ކަމެކެވެ. އިންތިހާއަށް ކުރި އިތުބާރު ގެއްލުނީމާއި ހިތްހަލާކު ނުވާނެ ހެއްޔެވެ. ބިރެއް ނެތި އަނދިރިގައި ބާރުބާރަށް ހިނގަން ކެރޭނީ ކާކަށް ހެއްޔެވެ.

"އެކަމާއި އަޅައިނުލާށެވެ. އެއީ ދުނީޔޭގެ އާދައެވެ."މީހަކު ހިތާމަ އެއް ތަހައްމަލު ކުރާ ހިނދު، އެކަން އެހެން މީހަކަށް އެނގިޖެއްގެ ނަމަ، ދުލަށް ފަސޭހަ މިފަދަ ޖުމުލަ ތަކެއް ބޭރުކޮށްލައެވެ. ދުނިޔޭގެ އާދަކަން އެނގެ އެވެ. ނަމަވެސް އަޅާއިނުލާ ހުންނާނީ ކިހިނެއް ހެއްޔެވެ. ގެއްލިގެން ދިޔައީ ކިހައި ވަގުތެއް ހެއްޔެވެ. ލޮލުން އޮހޮރުނީ ކިހައި ކަރުނައެއް ހެއްޔެވެ.

އަނިޔާވެރި އެއްގެ ހިތަށް އަސަރެއް ނުކުރާނެއެވެ. ނަމަވެސް އޮގާވެރި އެއްގެ ހިތަށް ކެތް ވާނީ ކިހިނެއް ހެއްޔެވެ. އަނިޔާ ވެރިކަމާއި އޯގާވެރިކަން އުޑައި ބިމާއިހައި ތަފާތެވެ. ހިތާމާއިގައި އުޅޭ މީހެއްގެ މިސާލަކީ ގަދަ ކަނޑެއްގައި އޮޔާއި އިދިކޮޅަށް ފަތާ މީހެއްގެ މިސާލެވެ. އޭނާގެ ހަށިގަނޑުގައި އަޅާއިވޭނާ ތަދު އެނގޭނީ ހަމަ އެމީހަކަށެވެ. ސަލާމަތް ވާން ކިތަންމެ ބޭނުން ވިޔަސް، މި ހާލުގައި ވެސް ކުރަނީ ސަމާސާއެވެ. ފޫދޭ ލޮލަކުން ކަރުނަ ފޮހެދޭނެ އޯގާވެރިއައު އައުމަކީ ތަދު ކަމެކެވެ.