JIBRIL Hasan on Clubhouse

Bio

Dunidani dhamaadkiyo
Gabal dhaca Is taagtee
Dhidibkay ku joogtiyo
Xarku galay dhigteedii
Dheeli bay ku kuratoo
Markaad dhinac ka awdaba
Dhan kalaa banaanoo
Qabyaday la dhalatee
Qofka Aad wax dheertahay
Waxa Jira In Kaa dhiman
Oo Loo dhamays tiray
Laba dhagax hadaad tahay
Nin dhexdood ka soo baxay
Raganimada dheeraad
Qof ku dhaafsan baa Jira
Ha Is odhan in muu dhalan
Ruux Kuu dhigoo kale
Dhulka waxa kugula nool.
Nin Hortaa adoon dhalan.
Dhibta dunida soo maray.
Maalmaha dhanaaniyo.
Wakhtiyada Is dhalan roga.
Casharkooda soo dhamay
Marna dhamac ku joogsaday.
Marna dhaxan dabayshaday.
Marna dabino loo dhigay.
Nin dharaaro Soo Jiray.
Waya arag dhamaystiran.
Dhulka meelo farabadan.
Cagahiisa Soo dhigay
Ha Ku noqon dhalaankii
Waalidkii dhalmada baray.
Ha u dhigin talaabada
Sidii Aanad dhimanayn
Dharaaraha cir kuu da''o
Hadaad dhiilka buuxiyo
Dharaguun La Gado Tahay
Waxaad dhaweeyaa jirin
Waad dhaliilo Badatee
Dhulka Soco In Kugu Filan ..