Krishna Madhav on Clubhouse

Bio

നാം പിരിയുമ്പോൾ-
...........................................
പറിച്ചുമാറ്റാനാകില്ല പ്രേയസി

മുറിഞ്ഞു നീറുന്നു ഹൃദയമിന്നെങ്കിലും!

ഉടച്ചുനീയിട്ട പ്രണയ സ്ഫടികത്തിൻ

തെറിച്ച ചില്ലുകൾ കാക്കട്ടെ ഞാനതിൽ !

വാക്കുപെയ്ത് പ്രണയത്തിലന്നു നാം

വാക്കുവിങ്ങും മൗനത്തിലിന്നു നാം

നോക്കുപോലുമിടയാതെ കാക്കുവാൻ

കനിവുകാട്ടും നിനക്കെന്റെ മംഗളം !

മടങ്ങുവാനായ് മടിക്കേണ്ട നീയിനി

മടുത്തുഞാനും മനം വിങ്ങുമീ വേളയെ

കൊളുത്തി വച്ചാ പ്രണയത്തിൻനാളത്തെ

കെടുത്തി നീയും പിണ്ഡമേകീടുക!

എളുപ്പമിന്നീ ചടങ്ങൊന്നു തീർക്കുക

ഇളപ്പു വിട്ടാ മടക്കത്തിലേറുക

തിരിഞ്ഞു നീയിനി നോക്കേണ്ട പ്രേയസി

എരിഞ്ഞുഞാനാ പോക്കുനോക്കീടട്ടെ!

നിറച്ചുവക്കാം ഞാൻ നിന്റെയോർമ്മകൾ

മുറിഞ്ഞുവിങ്ങും  ഹൃദയത്തിനറകളിൽ

ഇടക്കുഞാനവ കിലുക്കിനോക്കുമ്പോൾ  

തറച്ചുനീറ്റുന്ന ലഹരിയിലലിയുവാൻ !!!
,,....,.......................
❤❤❤❤❤

ആദർശം
........................
സുഹൃത്തേ ഞാനൊരു തമാശപറയാം..
' രാഷ്ട്രീയം ആദർശങ്ങളുടേതാണ് -
ആദർശങ്ങൾ അവധൂതരുടേതും'
വൈകിമാത്രം ചിരിച്ച സുഹൃത്തേ സൂക്ഷിക്കുക
നിങ്ങൾ രക്തസാക്ഷി ആവാതിരിക്കട്ടെ