Islam Metwaly on Clubhouse

Bio

MBA | PMP | MS.c | Business | Engineering | Interior Design | Marketing | Cooking | Gym Addict | Riding Horses | Running | Dance

‎إيه اللى حصل فى الثلاثين سنه اللى فاتو...؟؟!
‎كل سنه و انا بفشل، بس بحاول.
‎كل سنه و انا الدنيا دايسه على وشى، بس بعافر.
‎كل سنه و انا مش حد كويس، بس طيب.
‎كل سنه و أنا شيخ، بس فلتان.
‎كل سنه و انا مبنجحش، بس مبيأسش.
‎كل سنه و أنا تعبان، بس مبسوط.
‎كل سنه و انا شايل هموم، بس ربنا مصبرنى و مقدرنى.
‎كل سنه و انا أبويا مش موجود بس عندى أم ب ١٠٠٠٠ راجل.
‎كل سنه و أنا أصحابى مش كتير، بس عندى أخت بتشمر و تنزل تضرب معايا حتى و أنا الغلطان.
‎كل سنه و أنا معنديش شله أصحاب روشين، بس ورايا أصحاب رجاله.
‎كل سنه و أنا مش أمور، بس الحمد لله على كل النعم اللى ربنا رزقنى بيها.
‎كل سنه و أنا عندى كرش، بس مببطلش أروح الچيم.
‎كل سنه و أنا مش interesting person بس قلبى أبيض.
‎كل سنه و أنا مبحبش البنى آدمين، بس بسلك مع الكلاب.
‎كل سنه و اللى بييجى على كلابى زى اللى جه على عيالى"مبسميش عليه".
‎كل سنه و أنا عصبى، بس مبظلمش حد.
‎كل سنه و أنا بتحمق و أتنرفز، بس مبرضاش بالغلط.
‎كل سنه و أنا بحب الفاصوليا أكتر من الملوخيه و الشاورما المصرى أكتر من السورى و مبحبش المسكر ولا المالح.
‎كل سنه و أنا بحب أطبخ، بس بحب آكل من إيد ماما أكتر.
‎كل سنه و أنا بحب أتفرج عالساعات، بس مبحبش ألبسها.
‎كل سنه و أنا بحب أتفرج عالولاعات، بس مبشتريهاش.
‎كل سنه و أنا بحب كل أنواع السلاح، بس بخاف يطول.
‎كل سنه و أنا مبحبش ال junk food ، بس بقدر الأكله الحلوه.
‎كل سنه و أنا بحب و بحترم و بقدر المطبخ الإيطالى، مع إنى عمرى ما روحت إيطاليا.
‎كل سنه و أنا مبحبش الصنايعيه بس بحب ميكانيكا العربيات.
‎كل سنه و أنا مبحبش أسوق بسرعه، بس بحب الغرز و العب فى السواقه.
‎كل سنه و أنا بحب المشى و الجرى و سواقة العجل و الموتوسيكلات و العربيات و أى حاجه بتتساق، بس مبحبش سواقة الهبل عالشيطنه.
‎كل سنه و أنا بحب الحركه، بس بقدر التفخيد.
‎كل سنه و انا بحب النوم، بس نومى خفيف.
‎كل سنه و أنا بحب ڤاترين وسط البلد، بس بكسل أدخل أشترى.
‎كل سنه و أنا بحب الخروج فى الدُقى، بس مبطيقش مدينة نصر.
‎كل سنه و أنا بحب العيشه فى الشيخ زايد، بس التجمع مفيهوش روح.
‎كل سنه و إسكندريه فى الشتا أحلى من الساحل و الجونه فى الصيف.

‎أنا لسه مخلصتش بس لو وصلت للسطر دا يبقى إنت حد من إتنين، يا حد عزيز عليا جداً و بحبه و بحترمه، يا حد كاره و حاقد و الكره و الحقد مضايقيينك و آذيينك إنت مش أنا..

‎كل سنه و أنا "طيب" ... 👌