Hossam Al Sharkawy on Clubhouse

Bio

من الاخر 👌
الفترة دي صعبة قوى علي كل الناس كل الناس مش مرتاحة ومش مبسوطة ، الكل فيه اللي مكفيه وزيادة الكل عنده مليون حاجة شاغلة تفكيره وقلبه ، مع اختلاف التفاصيل والحكايات والهموم ، كل واحد سارح ف ملكوته وهمومه ، تحس الناس ماشية تايهة وسرحانة دماغها زي المفرمة شغالة في مليون اتجاه ياريت نعذر بعض ونراعي بعض ، ياريت بلاش العتاب والتقطيم علي الفاضي ياريت بلاش جملة " مابتسألش ليه " لو حد وحشك ادخل وكلمه واسأل عليه وخلاص من غير عتاب ولا لوم ولا تقطيم ولا كلام يسم البدن ، الدنيا وضغوط الحياة شاغلة الكل يعني مش حضرتك لوحدك اللي مشغول ومهموم والناس لاء ، الكل مسحول في حياته واليوم بيطير وربنا وحده اللي عالم بالناس ومش عشان مثلا في ناس دايما بتضحك ومبتسمة و طبعها انها مش بتشتكي يبقي خلاص حياتهم زي الفل يعني وماعندهمش مشاكل ، اكيد لاء بس في ناس مابتحبش تشكي وتحكي همومها ومشاكلها ممكن تكون دي طريقة للهروب وانها تفصل شوية عن الواقع الصعب اللي كل الناس بتعيشه ، ف ياريت نلتمس الاعذار لبعض ، ولو في كلمة طيبة نقولها ولو غير كدة نحتفظ بيها لنفسنا ياريت ، محدش متحمل كلمة وممكن علي موقف بسيط ينفجر..
ربنا يهونها علي الجميع