Ibrahim Ahmed on Clubhouse

Bio

اترك لك اثر فى هذه الحياة
👍
"البنت اللي في الأوتوبيس"

في "بوستات" يمكنك أن تسميها بوستات ( الصدمة ) أو بوستات ( الحقيقة العارية ) هذا البوست الذي كتبه الأخ Fares Elsid هو أحد أكثر البوستات التي ستصدمك في نفسك كما صدمتني في نفسي وستكشفك أمامك كما كشفتني أمامي :

" البنت اللى فى الأوتوبيس اللى شفتها واقفه ورحت قايم ومأعدها مكانى
مقمتش علشان خايف عليها .. دي كانت سجدة للصنم اللى جوايا
إنى شهم أوى وجدع وبخاف على بنات الناس ..
سجدة سريعة لصنمى سجدت وقمت بسرعه ..

الأخت اللى ناقشتها فى الفيس وكنت محاور جيد مكنتش
هدفي انى اوصلها للحق ده كانت استعراض مريض لقدرتى
على المحاورة واستمتاع انى بحاور انثى لأن قلب
الرجل مفطور على حب الكلام مع النساء
كانت سجده لصنم شهوتى وهوايا

الباقى الى رجعته للكاشير لما ادهونى زياده وكان فى
كذا انسان واقف وكنت مبسوط اوى لما الناس بصتلى بانبهار
كانت سجده لصنم امانتى

المواقف الى حصلت فى حياتى واديت فيها اداء جيد وكتبت
اللى حصل فى الفيس ولميت فوق ال 200 لايك اتحرق العمل
خدت بيه لايكات وربما غضب الجبار ايضا

الخناقه الجامده الى حصلت عندنا فى الشارع ولقيت واحد
هيتفرم فى ايد الناس وادخلت علشانه والناس كبرتلى و محبتش
تفتح باب مشاكل معايا ماكانتش لله والله ...
ديه كانت سجده لصنم النفس انى مسيطر اوى

إكشف على نفسك ..إكشف جيدا
لن تجد طبيبا أفضل من نفسك

{قل هل ننبئكم بالأخسرين أعمالا الذين ضل سعيهم في الحياة الدنيا وهم يحسبون أنهم يحسنون صنعا}

الآيه ديه كنت بستغرب منها أوى !!

ليـــــه ؟؟ ليــــه ضل سعيهم ؟؟ دول كانوا فكرين نفسهم صح ؟؟ طب إيه ذنبهم ؟؟
كنت فاكر نفسى كويس وبعبد ربنا وزى الفل ربنا يعاقبنى ليه بقى ؟؟

(وهم يحسبون )....!!! ديه إجابه اللغز ..هنا المفتاح ..حسابتهم كانت غلط
مفكروش يراجعوا حساباتهم ..عمرههم مافكروا يراجعوا ..
كل الحسابات كانت غلط فى غلط
ساعات كانوا بيلاحظوا ويطنشوا ويدوا ضميرهم مسكنات متنوعة ..

ولــــكن فجأة :

(بــــــدا لهم من الله مالم يكونوا يحتسبون)

إمسك مشعل الحق وتجول داخل نفسك كويس أوى .. بص عليها من قريب .. إوجعها .. إحرق المكان المريض فيها ..
إتعرف على المنطقة المريضة هنا في الدنيا واتخلص منها هنا قبل ما ربنا يكشفها للناس كلها يوم القيامة ..
إحرقها هنا قبل ما تتحرق بسببها يوم القيامة ..

جوا قلوبنا كميه أصنام لا تعد ولا تحصى وبنسجدلها ليل نهار دون أن نشعر وساعات بناخد بالنا بس بنكبر دماغنا ..

(( القلـــب كعبة يعبد الله فيها ، والله لا يحب مزاحمة الاصنام ))

إحذر من هذا الشخص الآخر الذى بداخلك ..
إنه يسحبك .. يسحبك إلى الجحيم فى هدووووء .✋
Copyed..


About me ⤵️

➡️ Engineer .👷
➡️ Writer .📒
➡️ Amateur riding bike .🚲
↪️ And more....⚠️