GAYA3 PRAM0D on Clubhouse

Bio

Teacher ,Life Long Learner

*പരസ്യം*

*രഹസ്യങ്ങൾ പരസ്യമാക്കരുത്*
*പരസ്യങ്ങൾ രഹസ്യമാക്കുകയുമരുത്*
*പരസ്യങ്ങളിലെ പൊരുളുകൾ രഹസ്യമായി ചികഞ്ഞെടുക്കുക*
*പരസ്യവുമായി ഒത്തു വന്നാൽ*....
*രഹസ്യമായും വാങ്ങിക്കാം പരസ്യമായും വാങ്ങിക്കാം*.

*Gaya 3*
20/5/23






അവസ്ഥാന്തരം*

മഞ്ഞുകണംപോലെ ലോലമാണാ മനസ്സ്
കുഞ്ഞുകുഞ്ഞു കളികളും വളപ്പൊട്ടുകളുമാണ്
അവൾടെ ലോകം
ഇണങ്ങിയും പിണങ്ങിയും കൂട്ടുകാരുമൊത്ത്
ഉല്ലസിച്ചുനടന്നൊരു പൊൻ ബാല്യം

മഞ്ഞുരുകി വെള്ളമായിടുന്നൊരു യൗവനം
അവളുടെ ചിന്തകൾ രൂപപ്പെടുന്നത്
ഓരോരോ ആകൃതിയിലുള്ള പാത്രത്തിൽ
വെള്ളം നിറക്കുന്നതു പോലെ വ്യത്യസ്തം.

ജരാനരകൾ ശരീരത്തെ ബാധിക്കുമ്പോഴും മഞ്ഞുപോലെ ദൃഢമായി മാറുന്ന മനസ്സ്
കൽപിതചേഷ്ടകളാൽ നിബിഡമായൊരു
പെൺമനസ് കാണാനാരുമില്ലാത്തൊരിടം.

മഞ്ഞുതുള്ളിപോൽ മൃദുലമായ രൂപം
കൗതുകവും കുസൃതിയും നിറഞ്ഞു തുളുമ്പി
മാറ്റങ്ങൾ ഉൾക്കൊള്ളാനെളുപ്പമുള്ളൊരു കാലം
എങ്കിലും എത്രമേൽ കരുത്തായിരുന്നാലും കടുംപിടിത്തങ്ങൾ
മാറ്റാനാഗ്രഹിക്കാത്തൊരു ജന്മം
അവസാനനാളുകളെ എണ്ണിത്തീർക്കാൻ ഏറെ പ്രയാസപ്പെടുമ്പോൾ ആരാവും അവളെ ആശ്വസിപ്പിക്കാനെത്തുക?

*Gaya 3*
12-12-2022