Адистидийн дээдийг өршөөгч язгуур үндэсний лам
Агуу шидийн хурыг буулгагч амирлангуй хилэнт ядам
Ад зэтгэр бүхнийг арилгагч дагинас номын сахиусанд
Ариун гурван үүдээр чин бишрэлээр сүсэглэн мөргөмүй.
Олон зүйлээр бэлтгэж сэтгэлээр хувилгасан тахилын чуулганыг
Огторгуйн түгээмэл эн бүгдийг огоот дүүргэн өргөе.
Орчлонд тэргүүлшгүйгээс хураасан алдаа уналаа наминчлан боомтолж
Олон эгэл ба хутагтын бүх буянд даган баясая.
Галав бээр гүн дэлгэрэнгүй номын хүрдийг эргүүлэхийг дурьдатгаж
Гаслант орчлонг эцэслэхийг хүртэл бат оршихыг залбирмуй.
Гагц үүгээр жишсэн хамаг буяны цогцсуудыг
Гайхамшигт гурван цагийн бурхад, шавьнугууд ерөөсөнчлөн
Амьтан бүхний балай мунхагийн харанхуй бүхнийг арилгаж
Аливаа хамгийг айлдагч билгийн гэгээнийг мандуулахад зориулмуй.
Асар хэтэрхий цөвийн балар харанхуй үлэмж бүрхсэн
Аймшигт муу цагийн амьтан бүхнийг нигүүлсэхүйгээр авар.
Эгэл нисваанисын муу үр цагтаа боловсорсон
Элдэв зовлонгийн энт түймэр бүхэн аяндаа амирлаад
Эсрэг тэсрэгийн өс арилан энэрэл асрамжаар найрамдаж
Энх амгалангийн төгс өлзийг дэлгэрүүлэн соёрх оо.
Хэзээ ч хуурмаггүй итгэл минь аврахтун, аврахтун.
Хэмжээлшгүй нигүүлсэхүйн сан минь болгоохтун,болгоохтун.
Хэдүй эртний тангарагаа бүү алмайруулахтун, бүү алмайруулахтун.
Хэтэрхий үтэр түргэнээ биднийг авран таалахтун, таалахтун.
Бурхан шашины нарны гэрэл арван зүгтээ мандах ба
Буй бүх амьтан амгалангийн цогийг үргэлж эдлээд
Бузар түйтгэрийг арилгаж буяныг төгсгөсөн бурханы хутагт
Бушуу түргэнээ амьтны тусын тулд хүрэхүйеэ болтугай.
Чухаг дээд лам гурван эрдэнэ үнэний адистэд ба
Чухам үнэн чанар ба шүтэн барилдлага үнэний хүчин
Чуулсан бид бүгдийн сүсэг ба номын сахиуснуудын үйлсээр
Чухал хүссэн бүгд сэтгэчлэн бүтэхүйеэ болтугай.
Аврал бүхэн хурсан ачит ламын адис ивээлээр
Ахуй үес хийгээд алс хэтийн хамаг гутамшиг амирлаад
Амирлангуй нирваан, сансрын сайн чуулган өөрөө бүтэж
Ариун хотол чуулганаар цэнгэхийн өлзий хутаг орших болтугай.
if the data has not been changed, no new rows will appear.
Day | Followers | Gain | % Gain |
---|---|---|---|
October 13, 2023 | 277 | +2 | +0.8% |
November 13, 2022 | 275 | +2 | +0.8% |
September 01, 2022 | 273 | -2 | -0.8% |
July 26, 2022 | 275 | -1 | -0.4% |
June 19, 2022 | 276 | -4 | -1.5% |
May 13, 2022 | 280 | +2 | +0.8% |
April 05, 2022 | 278 | +2 | +0.8% |
February 06, 2022 | 276 | +3 | +1.1% |
December 30, 2021 | 273 | +3 | +1.2% |
November 22, 2021 | 270 | +17 | +6.8% |