Anitha Sarah on Clubhouse

Bio

🇮🇳Lover of poetry, literature, painting , making friends, discussions and debates.

In love❤ with Glorious Gospel and Lion's കൊടുങ്ങല്ലൂർ

അമ്മ

മുകിലിന്റെ കുടിലിൽ
മറഞ്ഞിരുന്നാലും
കാവൽ വിളക്കായി
കൂടെ ചരിക്കുന്നു

ഊഷ്മള രശ്മികൾ
ക്കൊപ്പം ഒഴുകി നീ
ഉമ്മകൾ തന്നെന്നെ
മെല്ലെയുണർത്തുന്നു

ശീതള തെന്നലിൽ
പുതുനാമ്പിടും മണ്ണിൽ
സ്പഷ്ടമാകുന്നു നിൻ
സ്പന്ദനാവർത്തനം

മരുന്നിന്റെ ഗന്ധം
പരക്കുന്ന നേരം
സ്മരിക്കുന്നു നിന്നുടെ
അഗദമാം ആശ്ലേഷം

യാതനാപൂർണ്ണമായ്
മാറോടു ചാഞ്ഞപ്പോൾ
കൈവന്നു പിന്നെയും
ശുശ്രുവിൻ വാത്സല്യം

ഉരുകിയെരിയുന്നൊരു
മെഴുതിരിനാളത്തിൽ
തെളിയുന്ന പുഞ്ചിരി
സാമിപ്യമേകുന്നു

താരാട്ടിനീണങ്ങൾ
തൈലത്തിൻ സൗരഭ്യം
സൽക്കാര സ്വാദും
സചിന്തനമാകുന്നു

കർമ്മം നിറവേറ്റും
തനുവിൽ ഒളിപ്പിച്ചു
തണ്ണീർത്തടമാകു
മൂർജ്ജത്തിൻ നിലവറ

അനിത സാറാ 🌹


✨️സത്യം ✨️

തെളിവാർന്ന സ്നേഹത്തെ
സുലഭമായ് നൽകി
പ്രകൃതിയിലീശൻ
സൗജന്യമേവർക്കും

സുതാര്യ ചിത്തങ്ങളെ
കാണ്മാൻ കൊതിക്കുന്നു
പരിത്രാണ വീഥികൾ
വെട്ടിത്തെളിക്കുന്നു

ഗതിമാറി ഒഴുകുന്ന
പുഴപോലെ ജീവിതം
ദൂരങ്ങൾ താണ്ടി
ബലഹീനമാകുന്നു

നേർവഴി നയിക്കുന്നൊ
രാചാര്യനോതുന്നു
മോചനം നൽക്കുക
നിഗൂഢ ചേതസ്സിന്

കരുണയിൻ കഥ ചൊല്ലും
വിസ്തൃത വിഹായസ്സിൽ
വിഹഗമായ് പാറുക
വെളിപ്പെടും സത്യം

🌹അനിത സാറ🌹

✨️രഹസ്യം✨️

മനസ്സാകും ചിമിഴിൽ
ഭദ്രമായ് സൂക്ഷിപ്പൂ
പ്രപഞ്ചം മുഴുവനും
സർവ്വജ്ഞനാം മഹാൻ

കണ്ടെത്തുവാനുള്ള
യാത്രയിൽ നിമിഷങ്ങൾ
നീങ്ങുന്നു സാർത്ഥകം
ആയുസ്സിൻ പാതയിൽ

ആഴമേറീടുന്നു
അറിഞ്ഞിടുമ്പോഴെല്ലാം
അനന്തമായ് ഒഴുകുന്ന
അറിവിന്റെ വയസ്വിനി

സ്നേഹംമാം ആഴിയിൽ
നീന്തിയും മുങ്ങിയും
അനുഭവിച്ചറിയുന്നു
നിധിയുടെ അപാരത

എളിയവനാണു ഞാൻ
സൂക്ഷ്മകണം പോൽ
വിസ്തൃതി ഒടുങ്ങാത്ത
നിന്നുടെ രാജ്യത്തിൽ

എങ്കിലും തേടുന്നു
നിന്റെ ഹിതം പോൽ
ചുരുളഴിച്ചോരോ
രഹസ്യം ഗ്രഹിക്കുവാൻ

മനനംചെയ്‌തെന്നിലേക്കലിഞ്ഞപ്പോൾ
തെളിഞ്ഞോരാ കയ്യൊപ്പ്
ആത്മാവിൽ കുറിച്ചതാ
ണെന്നുടെ സൃഷ്ടാവ് .
🌹🌹🌹🌹🌹🌹🌹🌹
⚡️അനിത സാറ⚡️



🎇കാലം🎇

കാലത്തിനുണ്ടോ പഴക്കം?
കാലഹരണപെടുന്നു ജീവിതം
അപരിമിതമാം അമേയം
ബന്ധിക്കുവാനോ അസാധ്യം

നിത്യ ദാരികയാം നിമിഷം
പുരാതനം മാനവ കർമ്മം
പഴിക്കുന്നു സമയദോഷം
അഴുകിയ ഉന്മത്ത മാനസം

സാധ്യം അനുഭവം മാത്രം
ഒപ്പമാണായുസ്സിൻ പ്രവാഹം
ഉറപ്പാണെനിക്കു വിരാമം
അപ്പൊഴും അനന്തമാം കാലം!


🎭അനുയാത്ര🎭

അനുഗമിക്കുന്നു രാവും പകലും......
ആരവം നിറയും മായാലോകം
അകലയാണല്ലോ സമക്ഷം
അരികിൽ മുഴങ്ങുന്നു നാദം

വികാര ഭരിതം ഈ സ്വരസാഗരം
പരിശ്രമം നേട്ടം ഒരേ ഒരു ലക്ഷ്യം
കണ്ണിമ അടയും പിന്നെ ശയനം
മയക്കം അകന്നാൽ അനുയാത്ര വീണ്ടും.....

അനിത സാറ❤