ADHD بالمصري on Clubhouse

Bio

هل تعاني من اضطراب فرط الحركة وتشتت الانتباه؟ 🤔

السلام عليكم ورحمة الله وبركاته 😊

انا اسمي يحيى مرسي، عندي 35 سنه، ومصاب بـ ADHD. 😔

ADHD هو اختصار لـ Attention Deficit Hyperactivity Disorder، أو اضطراب نقص الانتباه وفرط الحركة بالعربي. 🧠

الاضطراب ده سببلي مشاكل كتير في حياتي، سواء في الدراسة أو الشغل أو العلاقات الاجتماعية. 😢

- في الدراسة، كنت بفشل في كل المواد، ومش بقدر أركز أو أحفظ حاجة. 📚
- في الشغل، بشتغل في مجال التسويق عموما وخصوصا الاستشارات التسويقية. اخترت مجال التسويق من حوالي 15 سنة عشان ده بيديلي مجال واسع للابتكار والابداع والتفكير بره الصندوق. 🚀
- في العلاقات الاجتماعية، الحمد لله انا محبوب من الجميع يمكن عشان انا طيب أو عشان دعوات أهلي أو عشان بحب الهزار والضحك والابتسامه الدايمه ، لكن المهم إنها محبة من عند ربنا مش مهارة مني. ❤️
- مشكلتي إني على طول رغم محبة الناس ليا بكون وحيد جدا مع مشاكلي وأفكاري وشغلي، وفعلا محدش يعرف عني حاجة. 😞
- ومشكلتي كمان إني بتشتت كتير ومش بعرف أطلب مساعدة من حد رغم إني ممكن توصل بيا ساعات لمحاولة الانتحار عشان انا مش عارف أطلب مساعدة من حد انه يخرجني من المشكلة. 😭

من حوالي 6 شهور كده قررت إني أروح أكشف في مستشفى العباسية للصحة النفسية، وفعلا طلع عندي اضطراب نقص الانتباه وفرط الحركة (ADHD)، وبدأت أخد علاجات بتوصل تكلفتها ل 1500 جنيه وانا اصلا مش بشتغل، فلو حابب تدعمني ابعتلي رساله. 💊

ساعتها بدأت أقرأ أكتر عن اضطراب فرط الحركة وتشتت الانتباه، وللأسف ملقتش معلومات كتيرة عنه على الانترنت، وأغلبها من مصادر أجنبية وانا اصلا مليش في الانجليزي. 🌐

من فترة كده اتعرفت على بينج محرك بحث مايكروسوفت يعمل بالذكاء الاصطناعي. سألته كتير عن ADHD واتعلمت منه كتير، والميزة فيه إنه بيكتب محتوى مفيد ومثمر وبيعتمد على مصادر متنوعة. 🤖

ولذالك قررت إنشاء صفحة ADHD بالمصري، بحيث تكون مرجع ليا ولأي حد عايز يعرف أكتر عن ADHD بس بالعامية المصرية. 🇪🇬

الهدف من الصفحة توعية الناس بالاضطراب ده وخلق مجتمع واعي للتعامل مع الاضطراب بطرق سليمة. 🙌

نفسي كل طفل مصاب يكون رائد أعمال او مفكر او عبقري، زي انشتاين وديزني وستيف جوبز وغيرهم كتير من الناجحين اللي عندهم ADHD. 🌟

نفسي الصفحة والمدونة والهاشتاج #ADHD_بالمصري يكون بيعبر عننا وبيساعد كل المصابين وأهاليهم والمجتمع في انه يعرف اكتر عن اضطراب فرط الحركة وتشتت الانتباه. 🙏

نفسي نبقى مجتمع واحد وننمي بعض لحد ما يبقى عندنا مستشفى ومركز عالمي لعلاج حالات ال ADHD. 💯

فلو انت حابب تدعمني وتدعم الفكرة أعمل فولو وشير للصفحة والبوست والمحتوى اللي على الصفحه صدقني ده هيدعمني جدا خصوصا اني بعمل ده لوحدي وبأقل الامكانيات المتاحه 🙏

ادعمني وحاول توعي الناس عن اضطراب فرط الحركة وتشتت الانتباه. 💪

ولو انت حابب تدعمني وتدعم الفكره ماديًا عشان اقدر اكمل في اللي بقدمه ابعتلي رساله