khuub pehchan lo asrar huun main
jins-e-ulfat ka talabgar huun main
ishq hi ishq hai duniya meri
fitna-e-aql se be-zar huun main
zindagi kya hai gunah-e-adam
zindagi hai to gunahgar huun main
dair o ka.aba men mire hi charche
aur rusva sar-e-bazar huun main
kufr o ilhad se nafrat hai mujhe
aur maz.hab se bhi be-zar huun main
meri baton men masihai hai
log kahte hain ki bimar huun main
~ Asrarul Haq Majaz