aamaplay . on Clubhouse

Bio

നീയും ഞാനും തീർത്തോരീ മൗനത്തിൻ ശ്യാമത്തെ പ്രണയമെന്നാരോ വിളിപ്പൂ
മരവിച്ചു പോയൊരെൻ പ്രണയവർണ്ണങ്ങളെ
കാലമാം ഋതുക്കളാൽ നീ പുൽകിടുമ്പോൾ
മനമറിയാതെ വീണൊരീ പ്രഹിതൻ ഇരുളിനുള്ളിൽ ആഗസ്സറിയാതെ
പിടയുകയാണെൻ മനം
കണ്ണുകളെറിഞ്ഞു നേടിയതിന്നു
കണ്ണകലെ പൊയ്പോയതും നീയറിഞ്ഞീല
ചിന്തൃമായാലും സഖി നിന്നിലലിയുകയാണെൻ
മോഹമെന്നു നീയറിഞ്ഞീല
എൻ ആത്മാവിലവസാന മേരു തറഞ്ഞതും നീയറിഞ്ഞീല
നീയും ഞാനും തീർത്തോരീ വിരഹത്തിൻ
നൊമ്പരത്തെ പ്രണയമെന്നാരോ വിളിപ്പൂ
രജനിതൻ ആഴത്തിലാണ്ടൊരെൻ മാനസത്തെ
കല്യതൻ പൊൻകിരണം പോൽ
തഴുകിഉണർത്തിയതും നീയെ
അഴലുകലാളി പടർന്നൊരെൻ
അന്തരത്തെ
വീചിതൻ കുളിർമാരി പോൽ
തഴുകിഉണർത്തിയതും നീയെ
എന്റെ ഇലകൾ പൊഴിയുന്നതും
വേരുകൾ ഉണങ്ങുന്നതും ഞാനറിഞ്ഞിടുന്നിതാ
മനസ്സറിഞ്ഞു സ്നേഹിച്ചാലും
മനമെറിഞ്ഞു സഹായിച്ചാലും
മനമറിയാതെ വിശ്വസിച്ചാലും
ഈ തമസ്സിൽ ഉഴറുന്നു ഞാൻ ഏകനായി
വഴിയറിയാതെ ഒരു നിഴൽപക്ഷിപോൽ
എൻ സ്വാന്തമറിയാതൊരു പെരുമഴ
എന്നുള്ളിൽ തോരാതെ പെയ്തിടുന്നു
രാഗദ്രമായെൻ തേങ്ങലുകളിന്നീ
മഴയാരവത്തിൽ ലയിച്ചിടുന്നു
അകല്യമായെൻ നോവുകളിന്നീ
മഴയാരവത്തിൽ അലിഞ്ഞിടുന്നു
മഴവില്ലിൻ ഏഴഴകായി നീയെൻപ്രിയേ
എന്നുള്ളിൽ നിറയുന്നു എന്നിരുന്നാലും
നീയും ഞാനും തീർത്തോരീ രാഗത്തിൻ
നൊമ്പരത്തെ പ്രണയമെന്നാരോ വിളിപ്പൂ

ഒരുവേള നീ എന്നെ പ്രണയിച്ചിരുന്നെങ്കിൽ
എന്നെൻ മനം കേഴുന്നു പാഴ്‌വൃഥാവിൽ
എന്റെ സ്വപ്നങ്ങളെ ചുംബിച്ചുണർത്തിടും
നിൻ മൃദുമന്ദഹാസമെൻ നെഞ്ചിൽ മുഴങ്ങുന്നു
പകൽകിനാവിലൊരു ഇളംതെന്നലായി
തഴുകിടുമെൻ പ്രാണനിലും നിൻ പ്രണയം
ഇതൾ കൊഴിയാത്തൊരീ പൂവിലെ മധുകണം
നുകരുവാനൊരു പാഴ്മധുപം പോലെൻ മനം
ചന്ദനക്കുളിർതെന്നലാം നിൻ മന്ദഹാസം
മഴവില്ലു പോലെന്നുളിൽ നിറഞ്ഞിടുന്നു
പ്രണനായി തീർന്നോരെൻ പ്രേമവതി നിൻ
സ്മിതമെന്നിൽ പ്രണയശലഭമായി പെയ്തിടുന്നു
മിഴികളാൽ നീ എഴുതിടുമനുരാഗത്തിൽ
നിറയുമെൻ പ്രണയത്തിൻ ഗന്ധമെല്ലാം
എൻ മനതാരിൽ ഒരുക്കിടുമൊരിടം
നനവോടെ ഇരിക്കുമാ മിഴികൾക്കായ്
തോരാമഞ്ഞിൻ തൂവലാൽ നെയ്തൊരാ
ജാലകവാതിൽ മെല്ലെ ഞാൻ തുറന്നിടും
എൻ കനവുകളിൽ നീയുറങ്ങിടുമൊരു തെന്നാലായി
കുളിരേകിടുമെൻ പ്രണയത്തിൻ നഷ്ടങ്ങളായി
ഇളംകാറ്റുപോലെയെന്നെ പുണർന്നവൾ
മറവിയുടെ അകത്തളത്തിൽ
മറവാർന്നുപോയ്
ഓർമ്മകൾ ഒട്ടേറെയുണ്ടെങ്കിലും പ്രണയമേ
അനുരിതമായ് എന്നിൽ നിറഞ്ഞതു നിൻപ്രണയം
ആരുമേയില്ലാതെ ഏകനായിരുന്നപ്പോൾ
പ്രണയത്തിനാലെൻ മനം നിറച്ചതും നീയെ
തളിരിട്ടയെൻ പ്രണയസ്വപ്നങ്ങളിൽ
തീമഴയായി പെയ്തൊഴിഞ്ഞതും നീയെ
പ്രണയമാം തീരത്തു തോണി കാക്കുന്നൊരു
യാത്രികർ മാത്രമായ് സഖി നാമിരുവരും
തീരത്തണഞ്ഞിടാൻ കഴിയാതെ തോണിയിൽ
വെറുതെയിരുന്നു ഞാൻ മോഹിക്കുമിങ്ങനെ
ഒരുമിച്ചു നടന്നൊരീ വീഥികളിലിന്നുഞാൻ
അലയുകയാണിന്നൊരു ഏകാകിയായ്
ഒരുവേള നീ എന്നെ പ്രണയിച്ചിരുന്നെങ്കിൽ
എന്നെൻ മനം വിങ്ങുന്നു ശോകാർദ്രമായി

written by aamaplay 🙃

fb/amalbabu68
[email protected]
Whatsapp :8129754744
PUBG ID : WAR乡AAMAPLAY