3a shoor Br on Clubhouse
Bio
🌸🤍💚الأهلي وطن🤍 💚🌸
💚
🌸🤍وعلي طرابلس 🌸🤍
أحضر يا زين و كدس
علي طرابلس وعراسها و علي لمة ناسها
وعلى الوشيقة في قرطاسها وعلى،
كل من خش العتبة و داسها
أحضر يا زين وكدس
علي لمة الفضان اللي فيها الشرط يبان
وعلى فرحة العيلة والجيران
و علي الخمسين و الثلاثة و علي الماير ما فاته
وعلى العبمبر والروزاطة والمكسرات والشكلاطة
أحضر يا زين وكدس
علي الغني بالطويل في النهار و في الليل
و علي رفوع الصايبة والجارة شن جايبة
و علي اللي ما تمشي فاضية
علي الغريبة و المقروض وحتى البعيد يضوق
وعلي تكسكيس الجارات و علي ديران الحلاوات
وسهرية المستادنات و غني و زغروطات
و علي طابور السيارات نظاف مدرسات بيض وحمر وكحلات
و علي القفة والسوابيت و يمدوهم البناويت وعلى السرب فوق الحيط
و علي الرقيص و الغني و علي الفرح والزهي
و علي النوبة والغياط يرقصوا عليه البنات
وعلي عشي العروسة و علي القعاد المدسوسة
وعلي الحبيب اللي جاي بقدره وناموسه
🤍🌸أحضر يا زين وكدس 🤍🌸
علي نهار التلاث و علي ربيع البنيات جلوة
وحصيرة وصدارات
وعلي كسكسي العصبان وعلي أسبارنا زمان
وعلي ليلة الحنة وعلي العويلة الملتمة
وعلي المدان و التستيف والدنيا كلها ع الكيف
وعلي التكبير بالضيف وعلى القلب النظيف
أحضر يا زين وكدس
علي حنة الخطيفة مرسومة و نظيفة
وغني عيشة وشريفة وترد مني ولطيفة
حضر يا زين وكدس
علي غني الزمزامات وعلي الصفر الباهيات
و علي خيرية و صبرية و علي نجمة و سهرية
و علي الغني المبدع
والرقيص زوز بزوز والشاهي باللوز
حضر يازين وكدس
علي ودعوا ودعوها وعلي دموع في حوش بوها
وعلي الحوالي والتساتميل
وعلي سهرية عقاب الليل والنجمة والقنديل
أحضر يازين وكدس
علي الزين المنقوش وعلي حفلته في الحوش
والرشتة والقرقوش
أحضر يازين وكدس
علي المحاضر و النجامي وعلي الصدارات قدامي
وعلي وقوف الفراجات والنساوين و البنيات
و علي وصول اللافيا وعلي قدوم العافية
وعلي العريس الشاب وعلي وقفة الأحباب
وعلي سهرات الفنان وعلي طرز الريحان
و علي سهرية العراسة و علي اصحابه وناسه
وعلي تطليع القنديل بعد نص الليل
وعلي الفاتحة المليحة و علي البخور و التفويحه
وعلي عبمبر والروزاطة وعلي بدلة وقرواطة
وعلي مولد والتدريجة وعلي هاديك التفريجة
وعلي يا محمد يا جوهرة عقلي
وين نسمعها يطير مني عقلي
وعلي العريس و انداده وعلي فلقة البرادة
و علي خناق الفل من رقبته نازل
وعلي يوم الجمعة وعلي العوالة المجتمعة
وعلي الجلوة و المحضر وعلي كل حبيب يحضر
وعلي حوالي الحرير وعلي الخناق والشنبير
وعلي الجبة و الزبون وعلي سمح اللون
وعلي المخدة والكرسي وعلي العرس الطرابلسي
وأطلقوا الوشق في عين اللي شهق
وعلي لمة ناسها و علي طرابلس وعراسها.....
