ഒറ്റാൽ -The Cultural Nest on Clubhouse

Description

Be Local Be Global💙
ഒറ്റാൽ പ്രാദേശികമായ വിഭവസമാഹരണത്തിന്റെ തൊഴിൽചിഹ്നമാണ്. ദൈനംദിന ജീവിതത്തിൽ ചില മനുഷ്യരുടെ അതിജീവനത്തിനുള്ള വഴിയൊരുക്കുന്ന ഒരു ഉപകരണം കൂടിയാണ് ഒറ്റാൽ. ഒറ്റാലിന്റെ ഈ ആശയമാണ് ഈ സംരംഭത്തിന്റെ പേരായി സ്വീകരിച്ചിരിക്കുന്നത്. 'OTTAAL - The Cultural Nest' എന്ന മട്ടിലാണ് ഒറ്റാലിനെ സംവിധാനം ചെയ്യുന്നത്. സാംസ്കാരികവ്യവഹാരങ്ങളിൽ മനുഷ്യരെ കണ്ണിചേർക്കാനായി ഒറ്റാലിലൂടെ ആകുന്നത് ചെയ്യാമെന്ന ധാരണ ഈ സംരംഭത്തിന്റെ അടിപ്പടവുകളിലുണ്ട്. ഇതിനെയെല്ലാം ചേർത്ത് നിർത്താൻ ഏവരുടേയും സഹകരണം തന്നെയാണ് പ്രധാനം. അത് പങ്കിട്ട് ഞങ്ങൾക്കൊപ്പം ഉണ്ടാകണമെന്ന് ആഗ്രഹിക്കുന്നു. കല/ എഴുത്ത് / വായന /സംവാദം എന്ന നിലയിൽ രൂപപ്പെടുത്തിയെടുക്കേണ്ട സംവിധാനമായി ഒറ്റാലിനെ പരിചയപ്പെടണം. സെമിനാറുകൾ / വെബിനാറുകൾ / ചർച്ചകൾ / പുസ്തകോത്സവങ്ങൾ/പഠന ക്ലാസുകൾ/ സാഹിത്യ കാർണിവലുകൾ എന്നിങ്ങനെ അക്കാദമിക-ജനകീയ സംവാദമണ്ഡലങ്ങളെ പങ്കുവെയ്ക്കാനുള്ള പരിശ്രമം കൂടി ഒറ്റാൽ ടീം ഏറ്റെടുക്കുന്നുണ്ട്.