জুবিন দাৰ অনুৰাগী on Clubhouse

Description

❤❤মন গলেই তেওঁ হাতৰ তলুৱাতেই নাহৰ ফুলাই
আউসীৰ অমানিশাতো কণ্ঠত
শৰতৰ মুঠি মুঠি জোনাক নমাই

যাৰ গীটাৰৰ ষ্ট্ৰিঙত অনুৰাগীৰ আবতৰীয়া ব'হাগ নামে,
গানৰ পথাৰত যাৰ দুভৰিৰ পৰশত মায়াময় শইচ ফুলে
তেৱেঁই দাদা সকলোৰে মৰমৰ,
যুৱপ্ৰজন্মৰ হাৰ্টবীট,
অসমীৰ তেজাল বাঘ
খিলঞ্জীয়াৰ জাতিৰ মান।

হেজাৰজনৰ সাহস তেওঁ,
থিয় দিয়ে য'ত,
সৃষ্টি হয় হেজাৰ বিজাৰ জনতাৰ মঞ্চ,
যাৰ কণ্ঠত বৰলুইতৰ বিশালতাই নাচে,
ওঁঠৰ ভাষাত অসমীৰ স্বাভিমানী আঁচল উৰে,
খাৰঘুলী টিলাত যাৰ গর্জনত বিদেশীৰ বুকু কপে,
তেওঁৰ এটি আহ্বানত জাতিয়ে হেংদাঙৰ কবিতা ৰছে।

যাৰ কণ্ঠই ব্লেক পলিটিক্সত বিপ্লৱৰ জোৱাৰ তোলে,
যাৰ গীতে বলিউডতো খলক তোলে,
তেওঁ ব'হাগত জানমণি বুলি নক'লে যে অসমীয়াৰ বিহুটিয়ে নাহে!
গাঁওৰ সৰু পদূলিটো তেওঁৰ সপোন ফুলে,
লুইতৰ ইপাৰ সিপাৰ বাগৰি
তেওঁৰ মৰমে হাঁহে,
তেওঁৰ মনে প্ৰাণে বাজি থাকে আইৰ মৰমৰ টান।
তেওঁৰ বুকুৰ উমত জ্বলি আছে আইৰ জয় গান।

তেওঁৱেই জুবিন
তেওঁ প্ৰেম সংগীতৰ,
তেওঁ জীৱন সংস্কৃতিৰ,
তেওঁ শিল্পী তিনিও যুগৰ,
অসমীয়াৰ প্ৰাণ তেওঁ,
তেওঁ কাহানিও নাভাগৰে ,
জীৱন বিচাৰে মানুহৰ মাজতে,
মৰম বুটলে নিভাঁজ হৃদয়েৰে!
অসমীৰ অভিমানী বুকুত
স্বাভিমানি নিচান উৰুৱাই তেওঁ জীয়াই আছে,
তেওঁ জীয়াই থাকে খিলঞ্জীয়াৰ আৱেগত।
জীয়াই থাকিব অসমৰ স্বাভিমানী আকাশত
আৰু অসমীৰ বুকুৰ প্ৰতি ভাঁজত।

তেওঁ জীয়াই আছে হেজাৰ অনুৰাগীৰ প্ৰাণত,
জীয়াই আছে চিৰপ্ৰবাহমান চিৰচেনেহী গীতৰ মাজত,
থাকিব সদায় অসমীৰ আয়ুসৰেখাত।❤❤