_তুমি উতনুৱা ফাগুনৰ পলাশ_ on Clubhouse

51 Members

Updated: Mar 7, 2024

Description

²9/07/²²...

_ফাগুনৰ বতৰা_
ধূসৰ উদং পথাৰত
সেন্দুৰ সনা ৰঙৰ পোহৰ লৈ
তুমি পলাশ ।
লঠঙা গছবোৰৰ ডালে ডালে
পছোৱা বতাহে সিঁচি দিয়ে
তোমাৰেই ৰং ..
শুকান পথাৰৰ আলিয়ে আলিয়ে
চিনাকী সুৰৰ মাজত
তুমি ফাগুনৰ পলাশ ।
উন্মনা প্ৰেমিকাৰ
ধমনীৰ চালিকা শক্তি
হৃদয়ৰ ৰং...
উতনুৱা ফাগুনৰ পলাশ
তোমাৰ ৰঙেৰে ৰাঙলী হয়
সন্ধিয়াৰ বিস্তৃত পৰিধি ।
মমৌন আকাশে মিচিকিয়াই হাঁহে
নিলাজ সময়ে সখীৰ সতে
আলিঙ্গন কৰে
সৰা পাতবোৰে প্ৰাণ পায় ।
তোমাৰ পৰশত জুৰিৰ পাৰত বহি
লাজুকীহতৰ মন পিছলে ।
প্ৰযুক্তিৰ বৰ্ণিল শোভাযাত্ৰাত
সোণালী সুতাৰে বুটা বচা
চাদৰৰ আঁচলে
চৌপাশে উপচাই দিয়ে
তোমাৰেই ৰং...
তুমি উতনুৱা ফাগুনৰ
চঞ্চল ৰাঙলী পলাশ ..🥀