தமிலா தமிழா..! on Clubhouse

Description

தமிழா! தமிழா !
விழித்துக்கொள் தமிழா !

உயிரும் மெய்யும் கலந்த தமிழ் மொழி
இன்று உயிர் இலா மெய்யாக !

எந்நாடென்னவோ தமிழ்நாடு
நாட்டவர் நாவில் வருவதோ
தமிழ் இன்றி வேறு !

இவர்களுக்கு “ழ” கரம் பேசாமை நாகரீகம்
அயல்மொழி கற்பதோ கலாச்சாரம் !

உணவில் கலப்படம் குற்றமென்றால்
உன் மொழி கலப்படமும் குற்றமன்றோ?
விழித்துக்கொள் தமிழா !

கல் தோன்றி மண் தோன்றா காலத்தில் தோன்றிய தமிழ் மொழியை
வெறும் கல்லில் மட்டும் காண போகிறாயா?
விழித்துக்கொள் தமிழா !

இன்னும் எவ்வளவு காலம் வள்ளுவனையும், பாரதியையும்
உன் மொழி வளர்க்க உவமை படுத்துவாய்?
என்று நீ உவமை ஆவாய்?
விழித்துக்கொள் தமிழா !

செம்மொழி மகுடம் போதுமா தமிழுக்கு
அதனை செம்மைபடுத்தும் தமிழர்கள் வேண்டாமா?
விழித்துக்கொள் தமிழா!

இனி உன்
உணர்வில்,
உயிரில் தமிழ் என்று உருதிகொள் தமிழா !
விழித்துக்கொள் தமிழா விழித்துக்கொள் !