فوضى و فن | Désart on Clubhouse

Description

فكرة الڤروب جات من حياتي الشخصية الي هي معبية ببرشا فوضى و تخلويض أما في نفس الوقت اكتشفت انو في خضم الفوضى هذيكا الكل أي حاجة نعملها نعطي فيها برشا حب و نشوفها بنظرة ''غريبة''.
فما إنسان عزيز عليا يقلي '' إنتي فوضى أما فن " و من هوني كانت فكرة إسم الڤروب.
على خاطر أفكارنا داخلة بعضها و حياتنا فيها برشا تخلويض و حاجات باهية و حاجات خايبة و على خاطر زادة أي حاجة في الدنيا هذي لازمها touche artistique باش تتحب و تتعدى بسهولة هذاك علاه نقلكم الي أي حاجة تخطر على بالكم فيها هدف نبيل للخرين ؛ اكتبوها و برتاجيوها.
الكتابة فن ، القراءة فن ، التعلم فن ، الرسم فن ، الغناء فن ، الضحك فن ، تي حتى من انتقاء المعلومات فن .. الهدف من الڤروب هو نخرجو الفنان الي فيك في أي حاجة تحب تعملها ، نتعلمو من بعضنا ، نقبلو اختلافات بعضنا ، و نعملوا عائلة كبيرة منفتحة.
حاصيلو ، هذي كلمات البداية و مرحبا بالناس الكل !