10x Divas club on Clubhouse

Description

حاجات اكتشفتها ممكن تخليكي أحسن ويبقى عندك طاقة أكبر🧜🏻‍♀️

-البني أدم بطبعه بيحب يعمل حاجة جديدة ،جربي لما تكوني زهقانة تعملي حاجة معملتيهاش قبل كدة
يعني أنا مثلًا عمري ما حسيت اني عايزة أنمي اللغة،لكن لما فكرت انميها علشان أتسلى حسيت اني مبسوطة اني بعمل حاجة جديدة

- جربي تضحكي في وش الناس على طول ، تقابليهم بأبتسامة عريضة ، هتحسي أن اغلب الوقت وشك بشوش بيضحك لوحده وهتحسي براحة نفسية لما نفس الناس تضحك لك

- عودي نفسك على الأستغفار في الرايحة والجاية ، شفايفك هتتعود عليها وهتذكري ربنا كتير وحسنات ببلاش وهتحسي انك مرتاحة عشان فاكرة ربنا

-لو متعودة تقولي لأ لأختك على حاجة تجربها من عندك او تاخدها او مثلًا تنكشيها ، جربي تقوليلها أه في مرة وخليها تعمل اللي عايزاه وتاخد اللي عايزاه
هتلاقيها بتديكِ مشاعر حلوة اوي

- اشربي ماية،ماية كتير وسلطة أكتر .. هتلاقي جسمك أتحسن و وشك كمان

-نامي ٨ ساعات او ٩ ، وبليل مش فترة الصبح
جسمك مش هيكون مجهد ، ولا هتحسي أنك مخنوقة او مقريفة

- كُلي ال٣ وجبات
تقليلك لوجبة واحدة منهم هيخلي صحتك مش تمام ،هتحسي بمتلازمة الاجهاد العام بشكل اكبر .. و شهيتك هتتقفل

- اعملي الحاجة اللي بتحبي تعمليها بنسبة اكبر
يعني لو بتحبي تخرجي ، اخرجي اكتر
لو بتحبي تجيبي لبس انزلي اعملي شوبينج كذا مرة
لو بتحبي الاكل جربي مطاعم وانواع مختلفة
ابسطي نفسك .

-الكلام اللي بيتعبك او الشخص اللي بيتعبك تجاهليه تمامًا،كأنه متقالش حتى لو هتوهمي نفسك انه مش فارقلك
لحد ما تعرفي تموڤي اون .

- أشتغلي ، لو مش هتعرفي تشتغلي حاجة عشان سنك او عشان دراستك
اشتغلي على نفسك وطوريها

كل الحاجات دي هتحسن نفسيتك أوي ♥️