നഷ്ടപെട്ട നീലാംബരി on Clubhouse

Description

"നൊസ്റ്റാൾജിയ" സ്ക്ലിറോസിസ് പോലെയാണ് ജീവിതത്തിലെ വളരെ നല്ല ഒരു നിമിഷം ഓർക്കുക, ആ നിമിഷം ചുറ്റുമുള്ള എല്ലാ മോശം കാര്യങ്ങളും പൂർണ്ണമായും മറക്കുക..

" മിലേ സുർ മേരാ തുമാരാ...." ഇന്ത്യയ്ക്ക് വേണ്ടി
ആരോ എഴുതിയ പാട്ടാണത്.. അതിൽ ആനപ്പുറത്തിരുന്ന് പാടുന്ന മലയാളിച്ചേട്ടനെ ഓർക്കുന്നോ?

എല്ലാം സ്കൂൾ തുറക്കലിനും കൃത്യമായി പെയ്തിരുന്ന ഇടവപ്പാതി മഴ,നമ്മുടെ പുതിയ കുപ്പായവും ബാഗ് ഉം നനച്ചിരുന്നു. മഴയും വെയിലും ഒരുമിച്ചു വന്നപ്പോൾ നീലകുറുക്കന്റെ കല്യാണം എന്ന് വിശ്വസിച്ച നിഷ്കളങ്ക മായ ആ ബാല്യം,
അവിടം മുതൽ നൊസ്റ്റാജിയ നമ്മളിൽ ഉണ്ട്.ഏറിയും കുറഞ്ഞും.

ഒരു മഷി തണ്ട് ചെടിക്കു പറയാൻ പോലും എത്ര കഥകൾ ഉണ്ട്. കിലോമീറ്ററുകളോളം
മറൂൺ നിക്കറും വെള്ള ഷർട്ടുമിട്ടു
നടന്നവർ ഇല്ലേ?
വഴിത്താരകളിൽ കാട്ടുചെമ്പിന്റെ ഇലകളിൽ ഒളിച്ചിരുന്ന വെള്ളതുള്ളികൾ,
അതിനു താഴെ കുഞ്ഞുറുബുകളുടെ നീണ്ട
നിര, ചിതറിയ ആഞ്ഞില ചക്ക കൊത്തിപറക്കുന്ന കാക്കകൾ, പൊട്ടകുളത്തിൽ കണ്ണ് നട്ടിരിക്കുന്ന പൊന്മാൻ,
കണ്ണ് എത്താം ദൂരത്തോളം
വിശാലമായ നെല്പാടങ്ങൾ,
പൂക്കൾ നിറഞ്ഞു നിൽക്കുന്ന ചെമ്പകമരം,
തൊട്ടിൽ മീൻപിടിച്ചത്,
കശുവണ്ടി വിറ്റു പുളിയാച്ചർ വാങ്ങിയത്,

ഓർമകളിൽ എല്ലാം ഉണ്ട്.
ഒന്ന് കണ്ണടച്ചാൽ...

ഓരോരുത്തർക്കും
വ്യത്യസ്തം ആണെന്ന് മാത്രം...

എല്ലാവർക്കും സ്വാഗതം🙏

❤️❤️❤️