Garashiyo•••Wanaag! on Clubhouse

Description

Qalbi xalan xasuus aan gudhayn laab xubbigu seexdo
Xammil caashaq wadne kuu xafidan xididdo kuu oomay
Xubno jamasho xaglo kuu darsaday maan xasili waayey
Xus ku haybsha hammi kuu xawilan xiise kugu naaxa
Iyo dookhaad xaradhaamisaan kugu xannaanshaaye.

Sidii baan xasuus ugu gam’aa tan iyo xaataaye
Kama furin xakamahaad ogayd dhiig xammaallada`e
Xiddigyahay ifaysaa adaan kugu xubeeraaye
Adigaan haween kugu xasilay xulashadaydiiye
Xuuralcayn la moodyeey adaa xulay hankaygiiye
Xarragadiyo laafyaha kolkaad xarrakadaynayso
Suunniyaha la soo xooday iyo xaadda dhabankaaga
Xirribaha madow ee indhaha lagu xayaysiiyey
Xubno jalaqsanleeyeey timaha sinnaha xaabaaya
Kolkaan soo xasuustuu qalbigu kuu xardhanayaaye.
No traplasim :
No personal attack :
No disturb :