NAADAM CRT on Clubhouse

Description

Илжиг баранд: - Өвс цэнхэр өнгөтэй! гэв.
Бар: - Чи юу ярина вэ, өвс ногоон л байдаг шүү дээ! гэв.

Маргаан улам газар авч, шүүхэд хандав. Арслан шүүгч дээр очив. Шүүх хурал эхэлмэгц, илжиг чанга дуугаар: - Эрхэм дээдэс ээ, өвс цэнхэр биз дээ! Та үнэнийг энэнд хэлж өгөөч! гэж ориллоо.

Арслан: - Тийм ээ, өвс цэнхэр байдаг...
Илжиг: Энэ бар үгүй гэж маргаад, миний бүр үйлийг үзлээ. Та түүнд шийтгэл оноогооч! гэж ахил авлаа.

Арслан: - Бар чамд 5 жил дуугүй байх шийтгэл оноолоо...

Илжиг бөөн баяр болж, - Өвс цэнхэр байлгүй яахав дээ! гэж орилсоор, шүүх тэнхимийг орхиж, замаа хөөлөө.

Бар шийтгэлээ хүлээсэн ч, арслангаас: - Эрхэм дээдэс ээ, та ямар учраас өвсийг цэнхэр хэмээн надад шийтгэл оноов? Та өвсийг цэнхэр гэж боддог юмуу? гэхэд нь арслан:
- Өвс ногоон байлгүй яахав дээ... гэлээ.
Бар: - Тэгвэл та яагаад намайг шийтгэв ээ? гэхэд
Арслан: - Шийдвэр бол үндсэн асуудал, өвсний өнгөнд байсан юм биш ээ! Чам шиг ухаалаг, зоригтой амьтан илжигтэй маргаан хийж, цагаа үрээд зогсохгүй, миний цагийг хүртэл дэмий юманд үрсэнд оноосон шийтгэл... гэжээ.

Үнэн хийгээд бодит байдлыг үл тоож, зөвхөн өөрөө өөрийнхөө итгэл үзэлд сохорсон мунхагтай маргах шиг цагийн гарз үгүй. Утга учиргүй юманд хэзээ ч цагийг дэмий бүү үр! Юм ойлгохгүй байхаар ухаан нь булингартаж, эгонд мэлмий нь сохорч, үзэн ядалт, хорслоор сэтгэл нь дүүрч, зөвхөн ЯЛЖ ГАРАХ ганцхан хүсэлд эзэмдүүлсэн хүмүүс олон.

Мунхаглал мөөрч байвал мэргэн ухаан дуугаа татах ёстой юм. Амар амгалан, тайвал байдал чинь тэднээс үнэтэй...

Зохиогч нь тодорхойгүй,