മോസ്റ്റ്ലി റാൻഡം | MRC on Clubhouse

Description

ശാസ്ത്രം, കല, സമൂഹം തുടങ്ങി ദിനോസർ, മഴ, പുഴ, കുഴിയാന വരെ റാൻഡം ടോപ്പിക്സിൽ സൗഹാർദപരമായ ചർച്ചകൾ സാദ്ധ്യമാക്കാനായുള്ള ഒരു ചെറിയ ഇടമാണിത്.

പൊതുവെ ഞങ്ങൾ അത്ര വല്യ സീരിയസ് അല്ല- അല്പം ഫൺ, അല്പം കാര്യം..., അങ്ങനെ പലയിടങ്ങളിൽ നിന്നായി സഹിഷ്ണുതയോടെ ഇവിടെ പലരും ഒത്തുകൂടുന്നു, ചിന്തകൾ പങ്കുവെക്കുന്നു. ജനാധിപത്യ മൂല്യങ്ങളും സാമൂഹിക നീതിയും എന്ന ആശയങ്ങൾ ഉയർത്തിപിടിച്ചു, ഇൻക്ലൂസീവ്നെസ്സിൽ നിന്നുകൊണ്ടുള്ള സംവാദങ്ങൾ ആണ് ലക്ഷ്യം . ഏറെക്കുറെ ഇഗാലിറ്റേറിയൻ കാഴ്ചപ്പാടും ആണ്; സഹിഷ്ണുതയുണ്ട്.

സ്ത്രീവിരുദ്ധത, ജാതീയത, വർഗീയത, മതമൗലികവാദം, വ്യക്തി അധിക്ഷേപം തുടങ്ങിയവയും, അനീതിയുടെ പക്ഷം ചേർന്നുള്ള മനുഷ്യത്വവിരുദ്ധമായ പരാമർശങ്ങളും ഒഴികെ , മറ്റ് എന്ത് വ്യത്യസ്തമായ അഭിപ്രായങ്ങളും, ആശയങ്ങളും, വിയോജിപ്പുകളും, ക്രിയാത്മക വിമര്ശനങ്ങളുമായി, പരസ്പരബഹുമാനത്തോടെ , സഹിഷ്ണതയോടെ ആരോഗ്യകരമായി സംവദിക്കാം.

📌ക്ലബ് റൂൾസ് മുകളിൽ club name ന് അടുത്തുള്ള മൂന്നു വരയിൽ ഞെക്കിയാൽ കാണാം. വായിക്കുക.

നന്ദി, ചർച്ചകളിലേക്ക് സ്വാഗതം!
സ്നേഹത്തോടെ,
Mostly Random Club.
സംവാദം സൗഹൃദത്തിലൂന്നുക.: സൗഹാർദപരമായി, ക്ഷമയോടെ, പരസ്പരബഹുമാനത്തോടെ സംവദിക്കുക. ക്രോസ്സ് ടോക്ക് മനഃപൂർവം ചെയ്യരുത്. ആവശ്യപ്പെടാത്തിടത്ത് കയറി ഉപദേശങ്ങൾ വിതരണം ചെയ്യരുത്. പാട്രണൈസിംഗ് പാടില്ല. ക്രിയാത്മകവിമർശനങ്ങളാവാം.
ചർച്ചയിലുള്ള മറ്റു വ്യക്തികളെ അധിക്ഷേപിക്കരുത്.: സ്ത്രീവിരുദ്ധത, മതമൗലികവാദം, വ്യക്തി അധിക്ഷേപം എന്നിവ അടങ്ങിയ പരാമർശങ്ങൾ പാടില്ല. മറ്റ് അംഗങ്ങളുടെ സ്വകാര്യതയെ മാനിക്കുക- അവർക്കിഷ്ടമില്ലാത്ത വിവരങ്ങൾ വെളിപ്പെടുത്താൻ അവർ ബാധ്യസ്ഥർ അല്ലെന്നറിയുക.
നിയമവിരുദ്ധമായ കാര്യങ്ങൾ, അന്ധവിശ്വാസങ്ങൾ പ്രചരിപ്പിക്കരുത്.: നിയമവിരുദ്ധമായ കാര്യങ്ങൾ, അന്ധ വിശ്വാസങ്ങൾ, തെറ്റായ വിവരങ്ങൾ എന്നിവ പ്രചരിപ്പിക്കാനോ, ആഹ്വാനം ചെയ്യാനോ, മറ്റേതെങ്കിലും തരത്തിൽ അത്തരത്തിൽ ഉള്ള പ്രവർത്തനങ്ങൾക്കു സഹായകരമാവാനോ ക്ലബ് ഉപയോഗിക്കരുത്.