داڵاهوو on Clubhouse

داڵاهوو Clubhouse
1.9k Members
Updated: Jan 23, 2024

Description

ت نەرمی یا ئەور، یا گەر پەڕ قوو
باڵاێ ت بەرزە یا نەێ داڵاهوو
سەوزە ت سەوزی یا باخ لیموو
دیدەێ ت مەسە یا دیدەێ ئاهوو

سەوزەێ خوەش دیمەن سەوزتر لە چیمەن
وادەێ وەهار دای وەهاریش نەمەن

مەر بۊدن وە دام نەسیم سووەو
شەو بوو شەواران بکەی وە بووەو
ت وەێ لەولاوی لۊل لوو لووەو
بزانی سەرم نەیدن وە کووەو

سەوزەێ خوەش دیمەن سەوزتر لە چیمەن
وادەێ وەهار دای وەهاریش نەمەن

چۊ کەڵ تاقچە کردیە لەو بانەو
گاجار چەو گل دەی وە خێاوانەو
هەناێ دۊنمەد وەێ نیمە گیانەو
وێنەێ گولەسووز پێچیەم وە ژانەو

سەوزەێ خوەش دیمەن سەوزتر لە چیمەن
وادەێ وەهار دای وەهاریش نەمەن

ئەوڵمامەێ چڕ کەم بێ هەوڵەڵا بای
وە پایل پەتی وە مۊ وڵا بای
سڵاێ کەس نەکەی وە بێ سڵا بای
لە شوون کزەم تا پاێ قڵا بای

سەوزەێ خوەش دیمەن سەوزتر لە چیمەن
وادەێ وەهار دای وەهاریش نەمەن

مەیل هەو گل کردەو ئەو هەوارگەێ نوو
سەر بۊ وە سراو ، دیدە بۊ وە جوو
خێاڵ کەفتە بەێن شەماڵ و شەو بوو
هەناس و ئاگر جەسە وە نەێ کوو

سەوزەێ خوەش دیمەن سەوزتر لە چیمەن
وادەێ وەهار دای وەهاریش نەمەن
|بانان|
مەیل هەو گل کردەو ئەو کوردەماڵان
دڵ بۊ وە چیمەن سمکوو خەزاڵان
دارای چێ لە کیس ، مال چێ وە تاڵان
گیان چێ لە هجران وڵێوی خاڵان

سەوزەێ خوەش دیمەن سەوزتر لە چیمەن
وادەێ وەهار دای وەهاریش نەمەن

ئەسرین خوڕ لە جوو گلارەم مەکە
چۊ کەپوو پایز ئاوارەم مەکە
ڕەوەنی ڕێەگەێ ئێوارەم مەکە
سەر گەردان لە دەیشت پەژارەم مەکە

سەوزەێ خوەش دیمەن سەوزتر لە چیمەن
وادەێ وەهار دای وەهاریش نەمەن

دەوریش ژارەگەێ گووشەێ شاردم
وە هزار لەونەو گرفتاردم
چۊ مەسۊر ئاوێز سەر داردم
ئاوێز لە زڵفان زەنگی ماردم

سەوزەێ خوەش دیمەن سەوزتر لە چیمەن
وادەێ وەهار دای وەهاریش نەمەن

گەناسر نیەچوو وە سەر ئاوان
لەیلی بێ مەیلە وە ماڵ باوان
قڵاگەێ گیەڵان بوود وە هەردەێ چووڵ
نە قڵا مینێ ، نە بەت نە بەتوول

سەوزەێ خوەش دیمەن سەوزتر لە چیمەن
وادەێ وەهار دای وەهاریش نەمەن

Last 30 Records

Day Members Gain % Gain
January 23, 2024 1,907 +269 +16.5%
December 10, 2023 1,638 +259 +18.8%
November 01, 2023 1,379 +135 +10.9%
October 02, 2023 1,244 +245 +24.6%
September 02, 2023 999 +302 +43.4%
August 05, 2023 697 +126 +22.1%

Charts

Some Club Members

More Clubs